پی ایس ڈی پی دے تحت دفاع دویژن دی جاری اَتے نویاں سکیماں کیتے 11,553.835 ملین روپے رکھئے ڳئن

اسلام آباد۔ 10 جون (اے پی پی) وفاقی حکومت سرکاری شعبہ دے سالانہ ترقیاتی پروگرام (پی ایس ڈی پی) دے تحت آندے مالی سال 2025-26 دے دوران دفاع دویژن دی جاری اَتے نویاں سکیماں کیتے 11,553.835 ملین روپے جݙاں جو دفاعی پیداوار ݙویژن دے جاری منصوبیں کیتے 1786 ملین روپے رکھئن ۔ جاری پی ایس ڈی پی دے اعدادوشمار موجب دفاع ݙویژن دے جاری منصوبیں وچ نیو گوادر انٹرنیشنل ایئر پورٹ کیتے 4000 ملین روپے، پاکستان وچ پی ایم ڈی سی دی ہائیڈرو مک کوں جدید بݨاوݨ کیتے 2998.600 ملین روپے، نیو جنریشن نیشنل جیوݙیٹک ݙیٹم آف پاکستان دے قیام کیتے 920.545 ملین روپے، نیشنل یونیورسٹی آف میڈیکل سائنسز اسلام آباد فیز I کیتے سی ݙی اے توں زمین مل گھنݨ کیتے 800 ملین روپے سودھے مجموعی طور تے 11403.835 ملین روپے رکھئے ڳئن جݙاں جو نویاں سکیماں وچ کوئنٹم ویلی پاکستان کیتے 100 ملین روپے اَتے اے ایف آئی سی دی توسیع کیتے 50 ملین روپے سودھے مجموعی طور تے 150 ملین روپے رکھیے ڳئن۔ پی ایس ڈی پی وچ دفاعی پیداوار ݙویژن دے جاری منصوبیں وچ کے ایس اینڈ ای ݙبلیو دے انفراسٹرکچر دی اپ گریڈیشن کیتے 1600 ملین روپے جݙاں جو گوادر وچ شپ یارڈ دے قیام کیتے مینجمنٹ سیل منصوبے کیتے 186 ملین روپے سودھے مجموعی طور تے 1786 ملین روپے رکھئے ڳئن۔