پی ایس ڈی پی دے تحت ریلوے ݙویژن دے 32 جاری منصوبیں اَتے ہک نویں منصوبے کیتے 22 ارب 41 کروڑ 50 لکھ روپے رکھئن

اسلام آباد۔ 10 جون (اے پی پی) حکومت آندے مالی سال 26-2025 دے بجٹ وچ سرکاری شعبہ دے ترقیاتی پروگرام (پی ایس ڈی پی) دے تحت ریلوے ݙویژن دے 32 جاری منصوبیں اَتے ہک نویں منصوبے کیتے مجموعی طور تے 22 ارب 41 کروڑ 50 لکھ روپے رکھئن ۔ پی ایس ڈی پی دے اعدادوشمار موجب 32 جاری منصوبیں کیتے 22 ارب 36 کروڑ 50 لکھ روپے دے فنڈز رکھئن۔ نویں سکیم وچ ٹرانس افغان ریل منسلکی (کراچی – مزار شریف 677 کلو میٹر) توں غیر منظور شدہ منصوبہ شامل کیتا ڳئے۔ جیں کیتے 5 کروڑ روپے رکھیے ڳئن، ایں منصوبے کیتے لاڳت دا تخمینہ ہک ارب 40 کروڑ 14 لکھ روپے لاتا ڳئے۔ جاری منصوبیں وچ ملک دے مختلف حصیں وچ ریلوے انفراسٹرکچر کوں بہتر بݨاوݨ، انجݨ، ٻوگھیاں دی بحالی و مرمت اَتے خریداری دے منصوبے شامل ہن جݙاں جو نویں روٹس کیتے مختلف سٹیشن شامل ہن۔