پی ایس ڈی پی، وزارت اطلاعات دے جاری اَتے نویں منصوبیاں کیتے 6026.977 ملین روپے رکھئن

اسلام آباد۔10 جون(اے پی پی)وزارت اطلاعات و نشریات دے مختلف منصوبیاں کیتے آندے مالی سال 2025-26 دے سرکاری شعبہ دے ترقیاتی پروگرام (پی ایس ڈی پی) اچ مجموعی طور تے 6026.977 ملین روپے رکھیے ڳئن۔ وزارت اطلاعات دے جاری منصوبیاں کیتے مجموعی طور تے 5295.382  ملین اَتے نویاں سکیماں کیتے 731.595 ملین روپے رکھیے ڳئن۔ منگل کوں جاری پی ایس ڈی پی 2025-26 دستاویز دے مطابق وزارت اطلاعات دیاں جاری سکیماں اچ سینٹرل مانیٹرنگ یونٹ (اسلام آباد) کیتے 367.293 ملین روپے، نیشنل انفارمیشن میڈیا آرکائیول ریپوزیٹری (این آئی ایم اے آر) کیتے 800 ملین روپے، نیشنل کمیونیکیشن اَتے سٹریٹجی یونٹ کیتے 107.405 ملین روپے، سٹیزن کولیبوریشن فیسیلی ٹیشن سینٹر (سی سی ایف سی) کیتے 250 ملین روپے، پی ٹی وی سی دی ری ویمپنگ کیتے 1489.920 ملین روپے، پرتشدد انتہا پسندی تے قابو پاوݨ کیتے پریس انفارمیشن ڈیپارٹمنٹ میڈیا سیل دے قیام کیتے 91.623 ملین روپے، خضدار اچ 300 کلو واٹ دے ٹرانسمیٹر دی تبدیلی اَتے اپ گریڈیشن کیتے 1390 ملین روپے، کوئٹہ اچ 100 کلو واٹ دے ٹرانسمیٹر دی اپ گریڈیشن اَتے تبدیلی کیتے 799.141 ملین روپے رکھیے ڳئن۔ ایویں ہی وزارت اطلاعات دیاں نویں سکیماں اچ گلگت اَتے سکردو اچ ریڈیو سٹیشنز دے 50 کلو واٹ دے ٹرانسمیٹرز دی تبدیلی، اپ گریڈیشن اَتے بحالی کیتے 133 ملین روپے اَتے صوت القرآن ایف ایم ریڈیو نیٹ ورک فیز فور (پشاور – کراچی موٹر وے) منصوبے کیتے 598.595 ملین روپے رکھیے ڳئن۔