پی ایس ڈی پی دے تحت پیٹرولیم ݙویژن دے جاری ہک منصوبے کیتے 718.580 ملین روپے رکھئے ڳئن

اسلام آباد۔10 جون(اے پی پی)وفاقی حکومت سرکاری شعبہ دے سالانہ ترقیاتی پروگرام (پی ایس ڈی پی) دے تحت آندے مالی سال 2025-26 دے دوران پیٹرولیم ݙویژن دے جاری ہک منصوبے کیتے 718.580 ملین روپے دے فنڈز رکھیے ڳن۔ منگل کوں جاری پی ایس ڈی پی دے اعداد و شمار دے مطابق جدید سیٹلائٹ امیجنگ بیس ٹیکنالوجی دے ذریعے ارضیاتی نقشہ سازی اَتے معدنیات ڳولݨ اچ تیزی دے منصوبے تے مجموعی لاگت دا تخمینہ 995 ملین روپے اے۔ جݙاں جو 30 جون 2025 تئیں منصوبے کیتے 76.420 ملین روپے دے ترقیاتی فنڈز دا اجرا متوقع اے۔ پی ایس ڈی پی دے تحت خرچ کیتے ڳئے آندے مالی سال 2025-26 اچ منصوبے کیتے مزید718.580 ملین روپے دا ترقیاتی بجٹ رکھیا ڳئے۔