حکومت آندے مالی سال 26-2025 سرکاری شعبہ دے سالانہ ترقیاتی پروگرام دے تحت وزارت منصوبہ بندی ترقی اصلاحات و خصوصی اقدامات کیتے 23 ہزار 270 ملین روپے رکھئن

اسلام آباد۔ 10 جون(اے پی پی)حکومت آندے مالی سال 26-2025 سرکاری شعبہ دے سالانہ ترقیاتی پروگرام دے تحت وزارت منصوبہ بندی ترقی اصلاحات و خصوصی اقدامات کیتے 23 ہزار 270 ملین روپے رکھیے ڳئن۔ منگل کوں جاری تھیوݨ آلے پی ایس ڈی پی دے اعدادوشمار دے مطابق حکومت آندے مالی سال دے ترقیاتی پروگراماں اچ جاری ترقیاتی سکیماں اچ پالیسی ریسرچ سنٹر کیتے 200 ملین روپے، ڈویلپمنٹ کمیونیکیشن کیتے 200 ملین روپے، نیشنل اکنامک ٹرانسفارمیشن کیتے 150 ملین روپے، پلان ہاؤس دی تعمیر کیتے 500 ملین روپے جݙاں جو سپیشل انیشیٹو ز پروگرام دے تحت نیشنل سنٹر فار برانڈ ڈویلپمنٹ کیتے 100 ملین، سی پیک سنٹر فار ایکسیلینس کیتے 375 ملین روپے،2022 دے سیلاب دے بعد بلوچستان اچ بحالی پروگرام کیتے 18000 ملین روپے، گھٹ ترقی یافتہ 20 ضلعیاں کیتے ہک ہزار ملین اَتے پرائم منسٹر سپورٹ گرانٹ پروگرام کیتے 500 ملین روپے سمیت مختلف ترقیاتی منصوبیاں کیتے فنڈز رکھیے ڳئن۔