پی ایس ڈی پی دے تحت ایچ ای سی دے 129 جاری اَتے 12 نویں منصوبیاں کیتے مجموعی طور تے 39488 ملین روپے رکھئے ڳئن

اسلام آباد۔ 10 جون (اے پی پی)آندے مالی سال دے سرکاری شعبہ دے ترقیاتی پروگرام (پی ایس ڈی پی) دے تحت ہائر ایجوکیشن کمیشن (ایچ ای سی) دے 129 جاری اَتے 12 نویں منصوبیاں کیتے مجموعی طور تے 39488 ملین روپے رکھیے ڳئن جیںدے اچوں 129 جاری منصوبیاں کیتے 38488 ملین روپے جݙاں جو 12 نویں منصوبیاں کیتے 1000 ملین روپے رکھین۔ منگل کوں جاری پی ایس ڈی پی دے مطابق مختلف ملکاں نال ایچ ای سی دے آپسی معاہدیاں دے تحت اکیڈمک و ریسرچ رابطیاں کیتے 60 ملین روپے، یونیورسٹیاں دے سی پیک کنسورشیم دے تحت اکیڈمک تعاون کیتے 200 ملین روپے، افغان طلباء کوں علامہ محمد اقبال دے 3000 وظائف کیتے 500 ملین روپے، گوادر دے طلباء کوں ایچ ای سی سکالرشپ ݙیوݨ کیتے 18 ملین روپے، شہید ذوالفقار علی بھٹو میڈیکل یونیورسٹی اسلام آباد دے اکیڈمک بلاک دی تعمیر کیتے 200 ملین روپے، شہید ذوالفقار علی بھٹو یونیورسٹی آف لاء کراچی اچ ہاسٹل اَتے اکیڈمک بلاک دی تعمیر کیتے 100 ملین روپے، خوشحال خان خٹک یونیورسٹی کرک دے مین کیمپس دی تعمیر کیتے 10 ملین روپے، قائد عوام یونیورسٹی (Quest) نوابشاہ اچ ݙو نویں شعبیاں سافٹ ویئر انجینئرنگ اَتے انوائرنمنٹل انجینئرنگ کیتے ضروری سہولتاں دی تعمیر کیتے 100 ملین روپے، بولان یونیورسٹی ہیلتھ سائنسز کوئٹہ دی ترقی اَتے توسیع کیتے 500 ملین روپے، لسبیلہ یونیورسٹی آف کلچر دی ترقی کیتے 350 ملین روپے، باچا خان یونیورسٹی چارسدہ دے مین کیمپس دی ترقی کیتے 250 ملین روپے، نسٹ راولپنڈی دی ترقی کیتے 500 ملین روپے، بونیر یونیورسٹی سوات دی ترقی کیتے 244 ملین روپے، ساہیوال یونیورسٹی دی ترقی کیتے 200 ملین روپے، آزاد کشمیر ویمن یونیورسٹی باغ دے قیام کیتے 300 ملین روپے، فاٹا یونیورسٹی دے قیام کیتے 65 ملین روپے، فیڈرل انسٹی ٹیوٹ حیدرآباد سندھ دے قیام کیتے 150 ملین روپے، بلوچستان یونیورسٹی آف انجینئرنگ ٹیکنالوجی خضدار اچ چار نویں شعبیاں دے قیام کیتے 300 ملین روپے، کامیاب جوان سپورٹس اکیڈمیز اَتے یوتھ اولمپکس ایچ ای سی دے قیام کیتے 611 ملین روپے، گورنمنٹ کالج ویمن یونیورسٹی فیصل آباد دے نیوکیمپس دے قیام کیتے 200 ملین روپے، نیشنل یونیورسٹی آف ٹیکنالوجی دے نیوکیمپس دے قیام کیتے 200 ملین روپے، نثار احمد صدیقی ٹیکنالوجی پارک سکھر آئی بی اے یونیورسٹی دے قیام کیتے 100 ملین روپے، ایگریکلچر یونیورسٹی پشاور اچ ٹیکنالوجی ڈویلپمنٹ سنٹر دے قیام کیتے 727 ملین روپے، ݙیرہ مراد جمالی اچ یونیورسٹی کالج دے قیام کیتے 329 ملین روپے، یونیورسٹی کالج ژوب دے قیام کیتے 350 ملین روپے، یونیورسٹی آف بلتستان سکردو دے قیام کیتے 558 ملین روپے، یونیورسٹی آف تربت دے قیام کیتے 300 ملین روپے، پاکستانی یونیورسٹیاں دی فیکلٹی دے ڈویلپمنٹ پروگرام کیتے 500 ملین روپے، کراچی یونیورسٹی اچ اکیڈمک سہولتاں کوں بہتر کرݨ کیتے 300 ملین روپے، یونیورسٹی آف انجینئرنگ اینڈ ٹیکنالوجی سب کیمپس لاہور اچ انوویشن سنٹر اَتے سافٹ ویئر پارک کیتے 400 ملین روپے، ایچ ای سی دے مختص شعبیاں اچ ایم ایس، ایم فل، لیڈنگ ٹو پی ایچ ڈی، اوورسیز سکالرشپس کیتے 2300 ملین روپے، پاک۔یوکے ایجوکیشن گیٹ وے۔ایچ ای سی کیتے 417 ملین روپے، پاکستان سری لنکا اعلیٰ تعلیمی تعاون پروگرام کیتے 280 ملین روپے، پاکستان امریکا نالج کوریڈور دے تحت پی ایچ ڈی سکالرشپ پروگرام کیتے 3670 ملین روپے، ٻالاں دی غذائیت کوں بہتر کرݨ کیتے پاک۔کوریا نیوٹریشن سنٹر دے قیام کیتے 800 ملین روپے، نارووال اچ نیشنل سپورٹس سٹی دے قیام کیتے 750 ملین روپے، یونیورسٹی آف گوادر دے قیام کیتے 500 ملین روپے، ہائیر ایجوکیشن ڈویلپمنٹ پروگرام پاکستان کیتے 2713 ملین روپے اَتے یونیورسٹی آف پونچھ راولاکوٹ دے چھوٹا گلہ کیمپس دے رہ ونڄݨ آلے کم کوں مکمل کرݨ کیتے 1500 ملین روپے دے فنڈز رکھیے ڳن جݙاں جو نویں منصوبیاں اچ بنگلہ دیش، ازبکستان اَتے ٻئے دوست ملکاں دے طلباء کیتے علامہ محمد اقبال سکالرشپس پروگرام کیتے 50 ملین روپے، ایمرسن یونیورسٹی ملتان دے نویں اکیڈمک بلاک دی تعمیر کیتے 50 ملین روپے، یونیورسٹی آف اوکاڑہ دی ترقی کیتے 50 ملین روپے، پاکستان انسٹی ٹیوٹ آف فیشن ڈیزائن کراچی اچ کیمپس دی تعمیر کیتے 100 ملین روپے، نیشنل انسٹی ٹیوٹ آف سائنس اینڈ ٹیکنالوجی راجن پور دے قیام کیتے 50 ملین روپے، این سی اے کراچی کیمپس دے قیام کیتے 100 ملین روپے، یو ای ٹی لاہور اَتے سب کیمپسز اچ ہاسٹلز کیتے 100 ملین روپے، پاک۔امریکا ایجوکیشن گیٹ وے فیز ٹو کیتے 50 ملین روپے، اعلیٰ تعلیمی اداریاں اچ مختلف معذوری دے شکار طلباء کیتے وزیراعظم سکیم دے تحت ویل چیئرز، نابینا طلباء کیتے لیپ ٹاپس، آݙیو ویݙیو ویژول ݙیوائسز کیتے 50 ملین روپے، مظفرگڑھ اچ یونیورسٹی کیمپس کیتے 150 ملین روپے، یو وی اے ایس پتوکی کیمپس کیتے 150 ملین روپے اَتے بحریہ یونیورسٹی لاہور کیمپس اچ اکیڈمک و ریسرچ پروگراماں کیتے 100 ملین روپے دے فنڈز رکھیے ڳئن۔