وزیراعظم ذیابیطس کنٹرول پروگرام کیتے 800 ملین روپے رکھئے ڳئن

اسلام آباد۔ 10 جون(اے پی پی)وفاقی وزارت برائے قومی صحت دے وزیراعظم دے ذیابیطس کنٹرول پروگرام کیتے سرکاری شعبہ دے ترقیاتی پروگرام (پی ایس ڈی پی) دے تحت آندے مالی سال 26-2025 کیتے 800 ملین روپے دا بجٹ رکھیا ڳئے۔ منگل کوں جاری پی ایس ڈی پی دستاویز دے مطابق منصوبے تے مجموعی لاگت دا تخمینہ 6800 ملین روپے اے۔ جݙاں جو 30 جون 2025 تئیں منصوبے کیتے 3.350 ملین روپے دے فنڈز دے اجرا دا تخمینہ اے۔ واضح رہوے جو آندے مالی سال کیتے آئی ݙی ایس آر ایس منصوبے کیتے 800 ملین روپے دا ترقیاتی بجٹ رکھیا ڳئے۔