پی ایس ڈی پی دے تحت صوبیاں اَتے سپیشل ایریاز دے ترقیاتی منصوبے کیتے 253230 ملین روپے رکھئے ڳئن

اسلام آباد۔ 10 جون(اے پی پی)وفاقی حکومت سرکاری شعبہ دے سالانہ ترقیاتی پروگرام (پی ایس ڈی پی) دے تحت آندے مالی سال 26-2025 دے دوران صوبیاں اَتے سپیشل ایریاز دے ترقیاتی منصوبے کیتے 253230 ملین روپے دے فنڈز رکھین۔ منگل کوں جاری پی ایس ڈی پی دے اعدادوشمار دے مطابق پنجاب اچ جاری ترقیاتی سکیماں کیتے 1590 ملین روپے، پاک پی ݙبلیو ݙی دے جاری ترقیاتی منصوبیاں کیتے 7641 ملین روپے، سندھ اچ ترقیاتی پروگرام اَتے ترقیاتی سکیماں کیتے 66282 ملین روپے، خیبر پختونخوا اچ ترقیاتی سکیماں کیتے 545 ملین روپے، پی ݙبلیو ݙی دے تحت خیبر پختونخوا کیتے 2063 ملین روپے، بلوچستان اچ جاری ترقیاتی پروگراماں کیتے 24492 ملین روپے، بلوچستان اچ پی ݙبلیو ݙی دے تحت سکیماں کیتے 4760 ملین روپے، ضم شدہ ضلعیاں دے ترقیاتی منصوبیاں کیتے 65444 ملین روپے، سپیشل ایریاز اچ آزاد جموں و کشمیر وچ جاری سکیماں کیتے 45000 ملین روپے، گلگت بلتستان اچ جاری ترقیاتی سکیماں کیتے 37000 ملین روپے سودھا مختلف ترقیاتی منصوبیاں کیتے فنڈز رکھیے ڳئن۔