حکومت آندے مالی سال 26-2025 دے بجٹ اچ سرکاری شعبہ دے ترقیاتی پروگرام دے تحت داخلہ ݙویژن دی 3 نویں اَتے 15 جاری منصوبیاں کیتے مجموعی طور تے 12 ارب 90 کروڑ 84 لکھ 44 ہزار روپے دے فنڈز رکھئن

اسلام آباد۔ 10 جون (اے پی پی): حکومت آندے مالی سال 26-2025 دے بجٹ وچ سرکاری شعبہ دے ترقیاتی پروگرام (پی ایس ڈی پی) دے تحت داخلہ ݙویژن دی 3 نویں اَتے 15 جاری منصوبیاں کیتے مجموعی طور تے 12 ارب 90 کروڑ 84 لکھ 44 ہزار روپے دے فنڈز رکھین۔ منگل کوں جاری تھیوݨ والے پی ایس ڈی پی دے اعدادوشمار دے مطابق حکومت آندے مالی سال دے بجٹ اچ داخلہ ݙویژن دیاں 3 سکیماں شامل کیتن، جیندے اچوں سیف سٹی اسلام آباد دی توسیع کیتے 3 ارب روپے، اسلام آباد انفراسٹرکچر کیتے 2 ارب روپے، این ایف اے کیتے کنورشنل فرانزک سہولتاں دی بین الاقوامی معیار دے مطابق تعمیر دے مقصد کیتے 10 کروڑ روپے رکھین۔ پی ایس ڈی پی اچ 15 جاری منصوبیاں کیتے مجموعی طور تے 78 ارب 84 کروڑ 44 لکھ روپے رکھین۔ 15 جاری منصوبیاں اچ اسلام آباد سیکٹر ایچ 16 اچ ماڈل جیل دی تعمیر دے منصوبے کیتے ہک ارب 18 کروڑ 9 لکھ 51 ہزار روپے رکھیے ڳئن، جیںدے تے لاگت دا تخمینہ 7 ارب 49 کروڑ 90 لکھ روپے لایا ڳئے اَتے ہݨ تئیں ایں منصوبے تے 3 ارب 59 کروڑ 13 لکھ روپے توں ودھ خرچ تھی چکین۔ ٻںھاں جاری سکیماں اچ صوبہ سندھ اچ 13 ریجنل پاسپورٹ دفتراں دی تعمیر، اسلام آباد پولیس کیتے چینج مینجمنٹ یونٹ دے کیمپ دا قیام، مربوط باڈر مینجمنٹ سسٹم فیز 2 دی تعمیر، نیو اسلام آباد انٹر نیشنل ایئر پورٹ تے قائم میٹرو بس سٹیشن دے پیشہ ورانہ امور و مرمت دا منصوبہ، پاسپورٹ ایپلیکیشن کیتے بائیومیٹرک تصدیق دی اپ گریڈیشن، غیر ملکی شہریاں دی سیکورٹی اَتے متعلقہ سہولتاں دی فراہمی، نیشنل پولیس ہسپتال دی تعمیر، اسلام آباد دے دیہی علاقیاں کیتے بارش دے پاݨی نال کاشتکاری دا منصوبہ، سیوریج ٹریٹمنٹ پلانٹس دی تعمیر دے 3 منصوبے، اسلام آباد ڈویلپمنٹ پیکج، لینڈ ریونیو اسلام آباد رولرز فیز 2 دے انتظامی نظام، نشے دے عادی افراد دی بحالی دے ماڈل مرکز دا قیام، نادرا دی ڈیجیٹل اکانومی توسیع دا منصوبہ شامل ہن۔ انہاں سارے جاری منصوبیاں کیتے لاگت دا تخمینہ 40 ارب 73 کروڑ 61 لکھ 82 ہزار روپے لایا ڳیا، جیندے اچوں ہݨ تئیں 14 ارب 54 کروڑ 51 لکھ روپے خرچ تھی چکئن۔