ماحولیاتی تبدیلی پاکستان دی بقاء دا مسئلہ اے،ورلڈ بنک اتے آئی ایف سی، اپݨے کنٹری پارٹنر شپ فریم ورک دے تحت پاکستان کوں اڳلے ݙاہ سال اچ 40 ارب ڈالر دے وسائل ݙٰیسن،وزیر خزانہ سینیٹر محمد اورنگزیب

اسلام آباد۔ 10 جون (اے پی پی) وزیر خزانہ سینیٹر محمد اورنگزیب آکھیے جو ماحولیاتی تبدیلی پاکستان دی بقا دا مسئلہ اے، ورلڈ بینک اَتے آئی ایف سی، اپݨے کنٹری پارٹنر شپ فریم ورک دے تحت پاکستان کوں اڳلے ݙاہ سال وچ 40 ارب ڈالر دے وسائل ݙیسن۔ قومی اسمبلی وچ بجٹ تقریر وچ وزیر خزانہ آکھیے جو پاکستان ماحولیاتی تبدیلی توں ساریں توں ودھ متاثرہ ملکاں وچ شامل اے۔ ماحولیاتی تبدیلی دے منفی اثرات دا سد باب حکومت دی اہم ترجیح وچوں ہک اے۔ ماحولیاتی تبدیلی نال نبݨݨ کیتے بے بہا وسائل دی لوڑھ ہوندی اے۔ ایں کیتے حکومت گزریل سولہ (16) مہینے وچ کلائمیٹ فنانس تے خصوصی توجہ ݙتی اے اَتے ایں سلسلے وچ نمایاں کامیابیاں ڳھدن ۔ ورلڈ بینک اَتے آئی ایف سی، اپݨے کنٹری پارٹنر شپ فریم ورک دے تحت پاکستان کوں اڳلے ݙاہ سال وچ 40 ارب ڈالر دے وسائل ݙیسن ۔ وزیر خزانہ آکھیے جو ماحولیاتی تبدیلی نال نبݨݨ ایں فریم ورک دی اہم ترجیح اے۔ ایویں ہی ہک سال دی انتھک محنت دے بعد IMF پاکستان کیتے 1.4 ارب ڈالر دی Resilience and Sustainability Facility ݙتی اے۔ حکومت پاکستان پہلے گرین سکوک دا وی اجراء کیتے۔ جئیں دے ذریعے ماحولیاتی تبدیلی متعلق منصوبیں کیتے مقامی مارکیٹ توں وسائل دی فراہمی ممکن تھئی اے۔ انہاں وسائل دی دستیابی پاکستان کوں ماحولیاتی تبدیلی توں محفوظ بݨاوݨ وچ مددگار ثابت تھیسی۔