بینک چھوٹے کساناں کوں بغیر کہیں ضمانت دے ھک لاکھ روپے تئیں دے قرضے ݙیسی ، وزیر خزانہ

اسلام آباد۔ 10 جون (اے پی پی) کلین فنانسنگ فیسیلیٹی پروگرام دے تحت بینک چھوٹے کساناں کوں بغیر کہیں ضمانت دے ہک لکھ روپے تئیں دے قرضے ݙیسن ۔ اے رقم ڈیجیٹل سسٹم دے ذریعے کساناں دے ای-والٹس وچ ٹرانسفر کیتی ویسی۔ وزیر خزانہ سینیٹر محمد اورنگزیب قومی اسمبلی وچ بجٹ تقریر وچ آکھیے جو چھوٹے کساناں کوں ݙتے ونجݨ آلے قرضیں تے حکومت بینکاں کوں پورٹ فولیو 10 فیصد فرسٹ لاس رسک کوریج ݙیسی۔ اے سہولت ایجھے علاقیاں وچ ݙتی ویسی جتھاں فنانسنگ دی سہولت میسرکائنی ، ایں سکیم توں ساڈھے ست لکھ کسان فیدہ چیسن ۔انہاں آکھیا جو زراعت ملکی معیشت وچ ریڑھ دی ہݙی دی حیثیت رکھیندی اے۔ زراعت دا ملکی معیشت وچ حصہ تقریباً 24 فیصد اے، جیں نال ملکی معیشت کیتے زراعت دی اہمیت دا اندازہ تھیندے۔ زراعت ہک صوبائی معاملہ اے ایں شعبے دی اہمیت دے پیش نظر وزیراعظم ہک نیشنل کمیٹی تشکیل ݙتی اے جو زراعت دے ودھارے کیتے صوبیں دے نال بامقصد مشاورت کریسی۔