پاکستان دی اڄوکی شاندار عسکری کامیابی اتے بھارتی جارحیت دے مقابل سیاسی قیادت ، افواج پاکستان اتے غیور عوام دی جوانمردی، دانشمندی تے یکجہتی دی تعریف کریندوں ، سینیٹر محمد اورنگزیب

اسلام آباد۔ 10 جون (اے پی پی) وفاقی وزیر خزانہ سینیٹر محمد اورنگزیب پاکستان دی اڄوکی شاندار عسکری کامیابی اَتے بھارتی جارحیت دے مقابل سیاسی قیادت، افواج پاکستان اَتے غیور عوام دی جوانمردی، دانشمندی اَتے یکجہتی دی تعریف کیتی ۔ آندے مالی سال دا بجٹ پیش کریندے انہاں آکھیے جو اے بجٹ ہک نہایت اہم اَتے تاریخی موقع تے پیش کیتا ویندا پئے جݙاں قوم اڄوکے ݙینہاں وچ غیر معمولی اتحاد، عزم اَتے ہمت دا عملی مظاہرہ کیتے۔انہاں آکھیے جو بھارتی جارحیت دے مقابل ساݙی سیاسی قیادت، افواج پاکستان اَتے غیور عوام جئیں جوانمردی، دانشمندی اَتے یکجہتی دا ثبوت ݙتا او تاریخ دے سنہری ورقے وچ ہمیشہ یاد رکھیا ویسی۔ اے کامیابی ہک شاندار عسکری کامیابی دے علاوہ پوری قوم دے اجتماعی شعور، قومی وقار اَتے غیرت دا مظہر ہئی، ایں تے پاکستان دی عسکری اَتے سیاسی قیادت کوں مبارخ پیش کرینداں۔ انہاں آکھیا جو ساݙی افواج اپݨی پیشہ وارانہ مہارت، شجاعت اَتے جذبہ قربانی نال دشمن کوں موثر اَتے بھرپور جواب ݙتا جئیں نال نہ صرف ساݙیاں سرحداں دا دفاع ناقابل تسخیر بݨیا بلکہ عالمی برادری وچ پاکستان دا وقار وی اُچا تھئے، ایں عظیم کامیابی اے سنھیا ݙتا جو پاکستانی قوم ہر آزمائش وچ متحد اَتے مادر وطن دے دفاع کیتے سیسہ پلائی کندھ بݨ ویندی اے۔