آندے مالی سال 26-2025 دے بجٹ اچ زر تلافیاں دی مد اچ مجموعی طور تے 1185036ملین روپے مختص کرݨ دی تجویز

اسلام آباد۔10جون  (اے پی پی)آندے مالی سال 26-2025 دے بجٹ اچ زر تلافیاں دی مد اچ مجموعی طور پر1185036ملین روپے مختص کرݨ دی تجویز ݙتی ڳئی اے ۔ بجٹ دستاویز موجب آندے مالی سال دے وفاقی بجٹ اچ بجلی دے شعبہ سانڳے 1036136 ملین روپے رکھݨ دی تجویز ݙتی ڳئی اے ۔ پٹرولیم ڈویژن سانڳے 1200ملین اتے پاسکو سانڳے20000ملین روپے رکھݨ دی تجویز اے۔ ایویں صنعت و پیداوار دے شعبے سانڳے مجموعی طور تے24000ملین روپے رکھݨ دی تجویز ݙتی ڳئی اے۔ انھاں سبسڈیز اچ گلگت بلتستان سانڳے کݨک ݙیوݨ،کھاداں دی درآمدات، نواں پاکستان ہائوسنگ اتھارٹی، ایس ایم ای سوکھی فنانس تے میٹرو بس سبسڈی شامل اے۔