واپڈا دے قابل تجدید اتے پن بجلی دی پیداوار دے منصوبیں کیتے 67.2 ارب روپے مختص کیتے ڳئن، وزیر خزانہ

اسلام آباد۔ 10 جون (اے پی پی) وفاقی وزیر خزانہ محمد اورنگزیب آکھیے جو واپڈا دے صاف، قابل تجدید اتے پن بجلی دی پیداوار دے منصوبیں کیتے 67.2 ارب روپے مختص کیتے ڳئن۔ قومی اسمبلی وچ اپݨی بجٹ تقریر وچ وزیر خزانہ آکھیے جو 2,160 میگاواٹ دے داسو ہائیڈرو پاور پراجیکٹ (مرحلہ-1) تے 20 ارب روپے، تربیلا پنجویں توسیعی ہائیڈرو پاور پراجیکٹ تے 3.4 ارب روپے، مہمند ہائیڈرو پاور پراجیکٹ تے 35.7 ارب روپے خرچ کیتے ویسن۔ انہاں آکھیا جو آزاد جموں و کشمیر اتے گلگت بلتستان دی توانائی دیاں ضرورتاں پوریاں کرݨ کیتے انہاں علاقیاں وچ پن بجلی دیاں پنج سکیمیاں کیتے 3 ارب روپے مختص کیتے ڳئن۔ انہاں سکیمیاں وچ ضلع نیلم آزاد جموں و کشمیر وچ 48 میگاواٹ جاگران II اتے 40 میگاواٹ ڈواریان ہائیڈرو پاور پراجیکٹس، ضلع گلگت وچ 26 میگاواٹ دا شکر جھنگ ہائیڈرو پاور پراجیکٹ سکردو، 16 میگاواٹ نلتر III اتے 20 میگاواٹ ہنزل ہائیڈرو پاور دا پراجیکٹ وی شامل اے۔ انہاں آکھیا جو گلگت بلتستان وچ علاقائی گرڈز بݨاوݨ دے فیز 1 کیتے 1.2 ارب روپے مختص کیتے ڳئن، جیں دا مقصد چار ضلعیاں گلگت، ہنزہ نگر، سکردو اتے استور وچ بجلی دی طلب کوں پورا کرݨا اے۔