اسلام آباد۔3 اکتوبر (اے پی پی)صدرِ مملکت آصف علی زرداری وفاقی جمہوریہ جرمنی دے صدر ڈاکٹر فرینک والٹر اسٹائن مائر تے جرمنی دے عوام کوں جرمن اتحاد دے ݙینھ دے موقع تے مبارخ ݙیندے آکھیے جو پاکستان جرمنی کوں ہک قابلِ اعتماد شراکت دار دی حیثیت نال قدر دی نگاہ نال ݙیہدے، کثیرالجہتی شعبہ جات اچ ݙوطرفہ تعلقات مسلسل وسعت پذیررہسن۔ ایوانِ صدر دے میڈیا ونگ موجب صدرِمملکت آصف …
پاکستان تے جرمنی وچال کثیرالجہتی شعبہ جات اچ ݙوپاسے تعلقات کوں مزید مستحکم کیتا ویسی، صدر آصف علی زرداری
مزید خبراں
اسلام آباد۔3 اکتوبر (اے پی پی)صدرِ مملکت آصف علی زرداری وفاقی جمہوریہ جرمنی دے صدر ڈاکٹر فرینک والٹر اسٹائن مائر تے جرمنی دے عوام کوں جرمن اتحاد دے ݙینھ دے موقع تے مبارخ ݙیندے آکھیے جو پاکستان جرمنی کوں ہک قابلِ اعتماد شراکت دار دی حیثیت نال قدر دی نگاہ نال ݙیہدے، کثیرالجہتی شعبہ جات اچ ݙوطرفہ تعلقات مسلسل وسعت پذیررہسن۔ ایوانِ صدر دے میڈیا ونگ موجب صدرِمملکت آصف علی زرداری اپݨے تہنیتی پیغام اچ آکھیا جو پاکستان جرمنی کوں ہک قابلِ اعتماد شراکت دار دی حیثیت نال قدر دی نگاہ نال ݙیہدے۔ انہاں آکھیا جو پاکستان تے جرمنی دے سانجھے تعلقات سیاسی، اقتصادی، توانائی، ثقافتی، تعلیمی، سائنسی تے تکنیکی شعبیں اچ مسلسل وسعت پذیررہسن۔ انہاں یورپی یونین دے اندر جرمنی دے اہم کردار تے پاکستان تے یورپی یونین دے تعلقات کوں مزید تکڑا بݨاوݨ کیتے جرمنی دے تعاون دی تعریف کیتی۔ صدر آصف علی زرداری امید ظاہر کیتی جو صدر ڈاکٹر فرینک والٹر اسٹائن مائر دے نال رل تے ݙوہیں ملکاں دے عوام دے مفاد اچ پاکستان تے جرمنی وچال دوستی تے سانجھے احترام تے مبنی تعلقات کوں مزید ودھارا ݙتا ویسی
