چیئرمین سینیٹ سید یوسف رضا گیلانی نال پاکستان اچ آسٹریلیا دے ہائی کمشنر دی ملاقات

اسلام آباد۔2 اکتوبر(اے پی پی)چیئرمین سینیٹ سید یوسف رضا گیلانی نال پاکستان اچ آسٹریلیا دے ہائی کمشنر ٹموتھی کین ملین۔ چیئرمین سینیٹ ݙوہائیں ملکاں دے مشترکہ جمہوری اقدار، دولتِ مشترکہ دیاں روایات، ݙو ایوانی پارلیمانی نظام اتے عوامی روابط کوں باہمی تعلقات دی مضبوط بنیاد قرار ݙیندے ایگری ٹیک، قابلِ تجدید توانائی، فن ٹیک، معدنیات، ٹیکسٹائل، آئی ٹی سروسز اتے غذائی مصنوعات دے شعبیاں اچ تعاون ودھاوݨ تے زور ݙتے۔ انہاں اعلیٰ تعلیم، وظائف، مشترکہ تحقیق، موسمیاتی تبدیلی، قدرتی آفات نال نمٹݨ، سائبر سکیورٹی، بحری سلامتی اتے امن دے شعبیاں اچ تعاون ودھاوݨ دا آکھیے۔ انہاں تعمیری سفارتکاری، بین الاقوامی قانون دے احترام اتے تنازعات دے پُرامن حل تے وی زور ݙتے۔ آسٹریلیا دے ہائی کمشنر ٹموتھی کین پاکستان نال ݙوطرفہ اتے پارلیمانی تعاون ٻیا ودھاوݨ کیتے آسٹریلیا دی خواہش ݙسائی۔