حکومت تنخواہ دار طبقے اتے چھوٹے کاروباراں کیتے سادہ ٹیکس ریٹرن فارم متعارف کراوݨ دا فیصلہ کیتے، وزیر خزانہ سینیٹر محمد اورنگزیب

اسلام آباد۔ 10 جون (اے پی پی) حکومت تنخواہ دار طبقے اتے چھوٹے کاروباراں کیتے سادہ ٹیکس ریٹرن فارم متعارف کراوݨ دا فیصلہ کیتے۔ آندے مالی سال 2025-26 دا وفاقی بجٹ پیش کریندے وزیر خزانہ سینیٹر محمد اورنگزیب آکھیے جو ہک جولائی توں 800 کالم آلا ریٹرن سادہ فارمیٹ وچ تبدیل کرݙتا ویسی، اے سوکھا اتے صارف دوست ریٹرن خاص طور تے تنخواہ دار اتے چھوٹے کاروباراں کیتے متعارف کرایا ویندا پئے۔