حکومت پسماندہ علاقیں دے ہونہار طالب علماں کیتے دانش سکولاں دے قیام تے خصوصی توجہ ݙیندی پئی اے، سینیٹر محمد اورنگزیب

اسلام آباد (اے پی پی) حکومت پسماندہ علاقیں دے ہونہار طالب علماں کیتے دانش سکولاں دے قیام تے خصوصی توجہ ݙیندی پئی اے۔ بجٹ تقریر دے دوران وزیر خزانہ سینیٹر محمد اورنگزیب آکھیے جو وزیراعظم دی ہدایت تے 11نویں دانش سکولاں دے قیام دی منصوبہ بندی کیتی ڳئی اے جیں کیتے وفاقی پی ایس ڈی پی 2025-26 دے تحت کل 9.8 ارب روپے رکھئے ڳئن۔وزیر خزانہ سینیٹر محمد اورنگزیب آکھیے جو ترائے سکول آزاد جموں و کشمیر، ترائے گلگت بلتستان، چار بلوچستان اتے ہک اسلام آباد وچ بݨایا ویسی۔ اے اقدام پسماندہ علاقیں وچ جدید تعلیم اتے تربیت دے موقع ݙیوݨ کیتے اعلیٰ درجے دے سیاسی عزم دی نشاندہی کریندے۔ انہاں آکھیے جو وزیراعظم پاکستان گھٹ وسائل رکھݨ آلے طالب علماں کوں معیاری تعلیم دی ݙیوݨ کیتے دانش یونیورسٹی اسلام آباد دے قیام دا اعلان کیتے، جیڑھا دانش سکول منصوبے دا تسلسل اے۔