اسلام آباد۔ 11 جون (اے پی پی)وزیراعظم محمد شہباز شریف 12 جون کوں متحدہ عرب امارات دا سرکاری دورہ کریسن۔ ترجمان دفتر خارجہ دے مطابق اے دورہ پاکستان اَتے متحدہ عرب امارات وچال ڳھاٹے برادرانہ تعلقات دی عکاسی کریندے ڄیڑھا آپسی اعتماد، سانجھیاں قدراں اَتے کئی شعبیاں اچ نیڑے دے تعاون تے کھڑا ہوئے۔ دورے اچ وزیراعظم نال ہک اعلیٰ سطح وفد وی ہوسی جیںدے اچ نائب وزیراعظم اَتے وزیر …
وزیراعظم شہباز شریف دا متحدہ عرب امارات دا سرکاری دورہ
مزید خبراں
اسلام آباد۔ 11 جون (اے پی پی)وزیراعظم محمد شہباز شریف 12 جون کوں متحدہ عرب امارات دا سرکاری دورہ کریسن۔ ترجمان دفتر خارجہ دے مطابق اے دورہ پاکستان اَتے متحدہ عرب امارات وچال ڳھاٹے برادرانہ تعلقات دی عکاسی کریندے ڄیڑھا آپسی اعتماد، سانجھیاں قدراں اَتے کئی شعبیاں اچ نیڑے دے تعاون تے کھڑا ہوئے۔ دورے اچ وزیراعظم نال ہک اعلیٰ سطح وفد وی ہوسی جیںدے اچ نائب وزیراعظم اَتے وزیر خارجہ سینیٹر محمد اسحاق ݙار، وفاقی وزراء اَتے ݙوجھے اعلیٰ افسران وی شامل ہوسن۔ وزیراعظم شہباز شریف متحدہ عرب امارات دی قیادت نال اعلیٰ سطح ملاقاتاں کریسن جیںدے اچ متحدہ عرب امارات دے صدر اَتے ابوظہبی دے حکمران شیخ محمد بن زید النہیان نال ݙو طرفہ ملاقات وی شامل اے۔ اعلیٰ سطح ڳالھ مہاڑ اچ آپسی دلچسپی اَتے تشویش دے وسیع تر ݙو طرفہ، علاقائی اَتے عالمی امور تے الایا ویسی۔ وزیراعظم دا دورہ پاکستان اَتے متحدہ عرب امارات وچال دیرینہ برادرانہ تعلقات ٻئے تکڑے کرݨ، اقتصادی تعلقات ودھاوݨ اتے کثیر جہتی تعاون کیتے اہم ثابت تھیسی۔
