ابو ظہبی۔ 12 جون(اے پی پی)وزیر اعظم محمد شہباز شریف متحدہ عرب امارات دے صدر اتے ابوظہبی دے فرمانروا شیخ محمد بن زید النہیان دی دعوت تے متحدہ عرب امارات دے ہک ݙینہہ دے سرکاری دورے تے ابو ظہبی پُڄ ڳن۔ ابو ظہبی دے البطین ہوائی اڈے تے متحدہ عرب امارات دے صدر دے ٻھرا اتے قومی سلامتی دے مشیر شیخ طحنون بن اید النہیان وزیر اعظم دا استقبال کیتا …
وزیر اعظم شہباز شریف متحدہ عرب امارات دے ہک ݙینہہ دے دورے تے ابو ظہبی پُڄ ڳئن
مزید خبراں
ابو ظہبی۔ 12 جون(اے پی پی)وزیر اعظم محمد شہباز شریف متحدہ عرب امارات دے صدر اتے ابوظہبی دے فرمانروا شیخ محمد بن زید النہیان دی دعوت تے متحدہ عرب امارات دے ہک ݙینہہ دے سرکاری دورے تے ابو ظہبی پُڄ ڳن۔ ابو ظہبی دے البطین ہوائی اڈے تے متحدہ عرب امارات دے صدر دے ٻھرا اتے قومی سلامتی دے مشیر شیخ طحنون بن اید النہیان وزیر اعظم دا استقبال کیتا اتے وزیر اعظم دے کٹھے گݙی اچ صدارتی محل آئے۔ ہوائی اڈے تے متحدہ عرب امارات سپریم نیشنل سکیورٹی کونسل دے سیکرٹری جنرل علی احمد الشمسی، یو اے ای اچ پاکستان دے سفیر فیصل نیاز ترمذی اتے پاکستانی سفارتی عملہ وی وزیر اعظم دے استقبال کیتے موجود ہن۔ وزیر اعظم وفد دے کٹھے متحدہ عرب امارات دے صدر شیخ محمد بن زید النہیان نال ملاقات کریسن۔
نائب وزیراعظم و وزیر خارجہ محمد اسحاق ڈار، چیف آف آرمی اسٹاف فیلڈ مارشل سید عاصم منیر، وفاقی وزیر داخلہ سید محسن رضا نقوی، وفاقی وزیر اطلاعات و نشریات عطاء اللہ تارڑ اتے معاون خصوصی طارق فاطمی وی پاکستانی وفد اچ شامل ہن۔
