اسلام آباد۔ 14 جون (اے پی پی) نائب وزیراعظم، وزیر خارجہ سینیٹر محمد اسحاق ڈار فٹ بال دے احیا کیتے حکومت دے پکے عزم دا اعادہ کریندے آکھیے جو فٹ بال قومی اتحاد اتے ماݨ دے ودھارے دا ھک اہم جزو اے ۔ اے ڳالھ انہاں پاکستان وچ فٹ بال دے مستقبل دے بارے ہک اعلیٰ سطحی اجلاس دی صدارت کریندے آکھی ۔ نائب وزیر اعظم دفتر توں جاری …
فٹ بال قومی اتحاد اتے ماݨ دے ودھارے دا اہم جزو اے، سینیٹر محمد اسحاق ڈار
مزید خبراں
اسلام آباد۔ 14 جون (اے پی پی) نائب وزیراعظم، وزیر خارجہ سینیٹر محمد اسحاق ڈار فٹ بال دے احیا کیتے حکومت دے پکے عزم دا اعادہ کریندے آکھیے جو فٹ بال قومی اتحاد اتے ماݨ دے ودھارے دا ھک اہم جزو اے ۔ اے ڳالھ انہاں پاکستان وچ فٹ بال دے مستقبل دے بارے ہک اعلیٰ سطحی اجلاس دی صدارت کریندے آکھی ۔ نائب وزیر اعظم دفتر توں جاری پریس ریلیز موجب اجلاس وچ بین الصوبائی رابطہ دے وزیر اتے سیکرٹری، ایس اے پی ایم ٹو ڈی پی ایم آفس اتے پاکستان فٹ بال فیڈریشن دی نویں قیادت شرکت کیتی۔ ایں موقع تے کمیٹی فٹ بال دے اہم بنیادی ڈھانچے دی تعمیر نو کیتے مستقبل دا نظریہ پیش کیتا۔ انتظامی اتے سیاسی رکاوٹاں دی وجہ توں ماضی دے چیلنجاں کوں تسلیم کریندے قیادت ہک ترقیاتی ایجنڈے دے نال اڳوں ودھݨ دی لوڑھ تے زور ݙتا جیں دی بنیاد تلویں سطح تے پائیدار شمولیت نال منسلک اے۔ اجلاس دے دوران فیفا دی رہنمائی وچ فٹ بال دی بحالی دا اعادہ وی کیتا ڳئے۔ نائب وزیراعظم، وزیر خارجہ سینیٹر محمد اسحاق ڈار اجلاس دے دوران فٹ بال دے احیاء دی حمایت کیتے حکومت دے پکے عزم دا اعادہ کریندے ایں کوں قومی اتحاد اتے ماݨ دے ودھارے دا ھک اہم جزو قرار ݙتا۔
