یارھاں ہزار 418 حاجی وطن واپس پج ڳئن، ترجمان مذہبی امور

اسلام آباد۔15جون (اے پی پی) حجاز مقدس توں پاکستانی حاجیاں دے آوݨ دا سلسلہ جاری اے ۔ ہفتہ 14 جون تئیں 11 ہزار 418 حاجی وطن واپس پج چکئن ۔ اڄ اتوار 15 جون کوں 20 پروازاں دے ذریعے مزید 4 ہزار 995 حاجی وطن پڄسن۔ وزارت مذہبی امور دے ترجمان حاجیاں بارے ݙسیندے آکھیے جو اڄ اتوار کوں اسلام آباد اتے لاہور وچ 6، 6، کراچی وچ 4، ملتان وچ 3 جݙاں جو کوئٹہ وچ ہک حج پرواز لہسی ۔اتوار کوں قومی ایئرلائن پی آئی اے دیاں 8، سعودی ایئرلائن دیاں 5، ایئر بلیو دیاں 4، ایئر سیال دیاں 2 جݙاں جو سیرین ایئر دی ہک پرواز حاجیاں کوں وطن واپس گھن آسی۔ ترجمان آکھیے جو عالمی سطح تے فضائی ٹریفک وچ تعطل دے باوجود پاکستان دا پوسٹ حج فلائٹ آپریشن کامیابی نال جاری اے۔ واپسی مزید ہموار بݨاوݨ سانڳے حاجی ݙتے ڳئے نظم و ضبط دا خیال رکھن۔