پاکستان وچ ایجھا پائیدار اتے جدید آئی سی ٹی نظام ٻݨایا ویسی جئیں نال پاکستان خطے اچ آئی ٹی شعبے دا مرکز ٻݨ تے ابھرسی: وزیرِاعظم محمد شہباز شریف

اسلام آباد۔ 16 جون (اے پی پی) وزیرِاعظم محمد شہباز شریف آکھیا جو پاکستان اچ ایجھا پائیدار اتے جدید آئی سی ٹی نظام ٻݨایا ویسی جئیں نال پاکستان خطے وچ آئی ٹی شعبے دے حوالے نال مرکز ٻݨ تے ابھرسی۔ پاکستان اچ آئی ٹی شعبے دے جدید تربیتی پروگرامز نال مقامی سطح تے تبدیلی کیتے نوجواناں کوں تیار کیتا ویسی۔ آئی ٹی شعبے دی ایجھئی تربیت اتے ہنر فراہم کیتے ونڄن جئیں نال نوجواناں دا روزگار یقینی ہووے، جڈاں جو وزیر اعظم کوں ݙسایا ڳیا جو ایں گرمی دی چھٹیاں اچ 1 لکھ 46 ہزار بالاں کوں وزارت وفاقی تعلیم تے پیشہ ورانہ تربیت، وزارت انفارمیشن ٹیکنالوجی اتے ہواوے دے اشتراک نال آئی ٹی دی تربیت فراہم کیتی ویسی۔سنوار وزیر اعظم آفس دے میڈیا ونگ توں جاری پریس ریلیز دے مطابق، وزیرِاعظم محمد شہباز شریف دی صدارت نوجواناں کوں آئی ٹی شعبے دی تربیت اتے پاکستان اچ تربیتی پروگرامز دے ایکوسسٹم دی تشکیل تے اجراء بارے جائزہ اجلاس تھیا۔ اجلاس اچ وفاقی وزراء احد خان چیمہ، شزہ فاطمہ خواجہ، چیئرمین وزیرِ اعظم یوتھ پروگرام رانا مشہود احمد خان، چیئرمین ہائیر ایجوکیشن کمیشن اتے متعلقہ اعلیٰ حکام شرکت کیتی۔اجلاس کوں ݙسایا ڳیا جو پاکستان اچ آئی ٹی شعبے دی جدید تربیت کیتے نظام دی تشکیل تے اجراء تے تیزی نال کم جاری اے جئیں کیتے کنسلٹنسی فرمز دیاں خدمات ڳھنݨ بارے نال ٹرمز آف ریفرنسز حتمی مرحلیاں اچ ہن۔ اجلاس کوں ٻیا ݙسایا ڳیا جو ہواوے دے تعاون نال ہݨ تئیں 20 ہزار طلباء تے طالبات کوں آئی ٹی شعبے دی جدید تربیت ݙتی ڳئی اے اتے حال ہی اچ گزریل سال تربیت یافتہ پاکستانی طلباء تے طالبات نہ صرف پورے چین بلکہ عالمی سطح تے آئی ٹی دے تریڄھے شعبہ جات وچ پہلی تریڄھی پوزیشن جت تے پاکستان دا ناں روشن کیتے، انہاں مقابلیاں اچ دنیا بھر توں 2 لکھ امیدوار شامل ہن۔ وزیراعظم مقابلے اچ کامیاب تھی تے پاکستان دا سر فخر نال بلند کرݨ آلے طلباء تے طالبات دی پذیرائی کیتی۔اجلاس کوں ݙسایا ڳیا جو ہائر ایجوکیشن کمیشن اتے ہواوے دے اشتراک نال ٻئے 80 ہزار طلباء تے طالبات کوں آئی ٹی تربیت دی فراہمی دے ہدف کیتے اقدامات جاری ہن جنہاں اچ نہ صرف وݙے شہراں بلکہ بلوچستان سودھے دور دراز علاقیاں بشمول تربت وچ وی آن لائن کلاساں فراہم کیتی ویسن۔ وزیرِاعظم کوں بریفنگ ݙیندیں ہوئیں ݙسایا ڳیا جو ٹرینرز کوں جدید ٹیکنالوجی اتے عصر حاضر دے تقاضیاں دے مطابق کورسز دی تربیت کیتے آزاد کشمیر، گلگت بلتستان اتے اسلام آباد اچ 50 ہزار ٹرینرز دی تربیت دا ہدف رکھیا ڳئے ۔ ٻیا ݙسایا ڳیا جو تربیتی پروگرام دی بیچلر پروگرامز وچ شمولیت اتے مصنوعی ذہانت دے پروگرامز دے اجراء نال 3 لکھ طلباء تے طالبات کوں آئی ٹی شعبے دی تربیت فراہم کرݨ دا ہدف پورا کیتا ویسی۔اجلاس کوں ݙسایا ڳیا جو ایں گرمی دی چھٹیاں وچ 1 لکھ 46 ہزار بالاں کوں وزارت وفاقی تعلیم تے پیشہ ورانہ تربیت، وزارت انفارمیشن ٹیکنالوجی اتے ہواوے دے اشتراک نال آئی ٹی دی تربیت ݙتی ویسی۔ وزیرِاعظم یوتھ پروگرام دے تحت جلدی 2 ہزار طلباء تے طالبات کوں آئی ٹی دے جدید کورسز دی تربیت ݙے تے روزگار دے قابل ٻݨایا ویسی۔وزیرِاعظم سارے اقدامات دی مدت دا تعین کر تے انہاں کوں جلدی مکمل کرݨ دی ہدایت کریندیں ہوئیں آکھیا جو پاکستان اچ آئی ٹی شعبے دے جدید تربیتی پروگرامز نال مقامی سطح تے تبدیلی کیتے نوجواناں کوں تیار کیتا ویسی۔ آئی ٹی شعبے دی ایجھی تربیت اتے ہنر فراہم کیتے ونڄن جئیں نال نوجواناں دا روزگار یقینی ہووے۔ پاکستان اچ ایجھا پائیدار اتے جدید آئی سی ٹی نظام ٻݨایا ویسی جئیں نال پاکستان خطے آچ آئی ٹی شعبے دے حوالے نال مرکزی حب بݨ تے ابھرسی۔ ایں بارے مقامی کمپنیاں کوں آئی ٹی شعبے دی با اختیار افرادی قوت دی فراہمی یقینی ٻݨائی ویسی جئیں نال اوہ بین الاقوامی تقاضیاں کوں پورا کر سڳن، اتے ملک اچ زرمبادلہ گھن تے آ سڳن۔ وزیرِاعظم آکھیا جو تربیتی نظام کیتے کنسلٹینسی بارے واضح ٹرمز آف ریفرنسز (ٹی او آرز) ٻݨائے ونڄن۔ وزیرِاعظم آکھیا جو نظام دی تشکیل اتے اجراء کیتے مدت دا تعین کیتا ونڄے، اتے جلدی ایں دی تکمیل یقینی ٻݨائی ونڄے۔ تربیتی پروگرامز مثبت اتے تعمیری ہوون جو نوجواناں کوں بین الاقوامی تناظر وچ کارآمد فرد ٻݨاون۔ پاکستان دا سب توں قیمتی اثاثہ اساݙی با صلاحیت نوجوان افرادی قوت اے۔ وزیرِاعظم ہدایت کیتی جو انفارمیشن ٹیکنالوجی دی تربیت کوں سکولاں تے کالجاں اتے یونیورسٹیاں وچ فراہم کرݨ کیتے وزارت وفاقی تعلیم، ہائیر ایجوکیشن کمیشن اتے نیووٹیک رل کر وزارت آئی ٹی دے نال کم کرن۔ موجودہ گرمیاں دیاں چھٹیاں وچ سمر کیمپس وچ آئی ٹی دی تربیت کوں یقینی ٻݨایا ونڄے۔