وزیر اعظم دا ضلع پشاور اتے شمالی وزیرستان اچ فتنہ الخوارج دے 5 دہشت گرداں کوں جہنم رسید کرݨ تے سکیورٹی فورسز کوں خراج تحسین

اسلام آباد۔ 16 جون (اے پی پی) وزیر اعظم محمد شہباز شریف ضلع پشاور اتے شمالی وزیرستان اچ بھارتی حمایت یافتہ فتنہ الخوارج دے 5 دہشت گرداں کوں جہنم رسید کرݨ تے سکیورٹی فورسز کوں خراج تحسین پیش کیتے۔سنوار کوں وزیر اعظم آفس دے میڈیا ونگ توں جاری بیان موجب وزیر اعظم آکھیا جو سکیورٹی فورسز دی پیشہ وارانہ مہارت پاروں اساں ملک توں دہشت گردی دے عفریت کوں منڈھوں پٹ ݙیسوں۔ وزیر اعظم آکھیا جو انسانیت دے دشمن دہشت گرداں کوں معصوم اتے نہتّے شہریاں دی جان تے مال کوں خطرے اچ پاوݨ دی ٻہوں سخت قیمت ادا کرݨی ہوسی۔ حکومت پاکستان اتے سکیورٹی فورسز ملک توں دہشت گردی دے مکمل خاتمے کیتے پرعزم ہن۔