اسلام آباد۔ 19 جون (اے پی پی) صدر مملکت آصف علی زرداری نال سینیٹ اچ پاکستان پیپلز پارٹی دی پارلیمانی لیڈر سینیٹر شیری رحمان ایوان صدر اچ ملاقات کیتی۔ خمیس کوں ایوان صدر دے پریس ونگ توں جاری کیتے ڳئے بیان موجب صدرِ مملکت ایں موقعے تے ڳالھ مہاڑ کریندیں ہوئیں کوآلیشن جوائنٹ کمیٹی دی فعال سفارتی کوششاں دی تعریف کیتی اَتے عالمی سطح تے پاکستان دے موقف کوں موثر …
صدر مملکت آصف علی زرداری نال پاکستان پیپلز پارٹی دی سینیٹ اچ پارلیمانی لیڈر سینیٹر شیری رحمان دی ملاقات
اسلام آباد۔ 19 جون (اے پی پی) صدر مملکت آصف علی زرداری نال سینیٹ اچ پاکستان پیپلز پارٹی دی پارلیمانی لیڈر سینیٹر شیری رحمان ایوان صدر اچ ملاقات کیتی۔ خمیس کوں ایوان صدر دے پریس ونگ توں جاری کیتے ڳئے بیان موجب صدرِ مملکت ایں موقعے تے ڳالھ مہاڑ کریندیں ہوئیں کوآلیشن جوائنٹ کمیٹی دی فعال سفارتی کوششاں دی تعریف کیتی اَتے عالمی سطح تے پاکستان دے موقف کوں موثر انداز اچ پیش کرݨ تے ٹیم دیاں کوششاں دی تعریف کیتی۔ ملاقات اچ جاری بجٹ اجلاس بارے امور تے ڳالھ مہاڑ کیتی ڳئی۔ سینیٹر شیری رحمان صدرِ مملکت کوں سینیٹ اچ بجٹ تے تھیوݨ آلی بحث اَتے قانون سازی دے عمل اچ پیپلز پارٹی دے موثر کردار بارے ݙسیا۔ انہاں صدرِ مملکت کوں اڄوکے بھارت۔پاکستان بحران وچال کوآلیشن جوائنٹ کمیٹی ولوں کیتی ڳئی سفارتی کوششاں دا وی ݙسیا۔ سینیٹر شیری رحمان صدرِ مملکت کوں ݙسایا جو کمیٹی پاکستان دا امن پسند اَتے ذمہ دارانہ اسٹریٹجک موقف عالمی برادری دے سامݨے پیش کیتا۔ انہاں آکھیا جو کمیٹی بین الاقوامی سطح تے پاکستان دے موقف دے حق اچ حمایت حاصل کرݨ اچ اہم کردار ادا کیتا۔ سینیٹر شیری رحمان آکھیا جو کمیٹی اَتے ایندے سربراہ بلاول بھٹو زرداری تے مکمل اعتماد اَتے بھرپور حمایت تے صدرِ مملکت اَتے وزیرِ اعظم دا شکریہ ادا کریندن۔
