جناح میڈیکل کمپلیکس پورے خطے کیتے بہترین طبی سہولتاں اَتے جدید ترین طبی تحقیق کیتے آلات نال لیس ہسپتال ہوسی، وزیراعظم شہباز شریف

اسلام آباد۔ 19 جون (اے پی پی) وزیراعظم محمد شہباز شریف آکھیا جو جناح میڈیکل کمپلیکس پورے خطے کیتے بہترین طبی سہولتاں اَتے جدید ترین طبی تحقیق کیتے آلات نال لیس ہسپتال ہوسی، منصوبے دی تعمیر دے سارے مرحلیاں اچ سو فیصد شفافیت کوں یقینی بݨایا ونجے۔ وزیراعظم میڈیا آفس توں جاری بیان موجب انہاں اے ڳالھیں خمیس کوں اتھاں جناح میڈیکل کمپلیکس اینڈ ریسرچ سینٹر بارے جائزہ اجلاس دی صدارت کریندیں ہوئیں کیتا۔ اجلاس اچ جناح میڈیکل کمپلیکس اینڈ ریسرچ سینٹر دی تعمیر بارے بریفنگ ݙتی ڳئی، وزیراعظم کوں ݙسایا ڳیا جو جناح میڈیکل کمپلیکس دے حوالے نال چین، ترکیہ، جنوبی کوریا اَتے سنگاپور اچ روڈ شوز کیتے ڳئے، ایں روڈ شوز اچ عالمی شہرت یافتہ کمپنیاں جناح میڈیکل کمپلیکس بارے گہری دلچسپی دا اظہار کیتا، جناح میڈیکل کمپلیکس دی تعمیر نال ݙو کانفرنساں دا انعقاد وی کیتا ڳیا جنہاں اچ 10 ملکاں دیاں 33 کمپنیاں شرکت کیتی، جناح میڈیکل کمپلیکس دی تعمیر کیتے 600 کنال اراضی ڳھنݨ دا عمل جاری اے، ماہرین/کنسلٹنٹس دی تعیناتی کیتے بین الاقوامی سطح تے اشتہار ݙتا ونڄ چکیے، اجلاس اچ وفاقی وزیر منصوبہ بندی احسن اقبال، وفاقی وزیر قانون تے انصاف اعظم نذیر تارڑ، وفاقی وزیر اقتصادی امور احد خان چیمہ، وفاقی وزیر قومی صحت سید مصطفیٰ کمال، چیئرمین پاکستان کڈنی اینڈ لیور انسٹی ٹیوٹ پروفیسر ڈاکٹر سعید اختر اَتے متعلقہ اعلیٰ سرکاری افسراں شرکت کیتی۔