چیئرمین سینیٹ سید یوسف رضا گیلانی دا معروف اداکارہ عائشہ خان دے انتقال تے ݙکھ اتے افسوس

اسلام آباد۔20 جون (اے پی پی) چیئرمین سینیٹ سید یوسف رضا گیلانی معروف اداکارہ عائشہ خان دے انتقال تے ݙکھ اتے افسوس کیتے ۔ تعزیتی بیان وچ انہاں مرحومہ دی فنون لطیفہ اتے اداکاری دے شعبے وچ خدمات کوں خراج تحسین پیش کریندے آکھیے جو عائشہ خان ہک باکمال فنکارہ ہن جنہاں اپݨیاں فنی صلاحیتاں نال پاکستانی ڈرامے اتے فلمی صنعت کوں نویں جہتاں عطا کیتیاں۔ چیئرمین سینیٹ آکھیے جو مرحومہ دی خدمات ہمیشہ یاد رکھیاں ویسن اتے انہاں دا فنی سفر نویں نسل دے فنکاراں کیتے مشعلِ راہ اے۔ انہاں دعا کیتی جو اللہ تعالیٰ مرحومہ کوں اپݨی جوار رحمت وچ جاہ ݙیوے اتے اہل خانہ کوں اے ݙکھ صبر و استقامت نال برداشت کرݨ دی توفیق عطا فرماوے۔