پاکستان مہاجرین دی فلاح کیتے آوازچیندا رہسی، مریم نواز

لاہور۔ 20 جون (اے پی پی) وزیراعلیٰ پنجاب مریم نواز آکھیے جو پاکستان مہاجرین دی فلاح کیتے ہمیشہ آواز چیندا رہ ویسی ۔ پناہ منگݨ آلا کمزور نی مظلوم ہوندے، مہاجر ہووݨ کوئی جرم کائنی ، اے ہک کربناک مجبوری اے۔ مہاجرین دے جڳ ݙیھاڑ تے اپݨے سنھئے اچ انہاں آکھیے کوئی شوق نال پناہ گزین نی بݨدا، زندگی بچاوݨ کیتے اپݨا گھر، اپݨی مٹی اتے اپݨی چھت چھوڑݨی پوندی اے۔ دنیا کوں پتہ ہووݨا چاہیدے جو پناہ منڳݨ آلا کمزور کائنی بلکہ مظلوم ہوندے۔ مریم نواز آکھیے جو جنگاں ختم تھی ویندن مگر مہاجرین دی بے گھری کئی نسلاں تئیں رہ ویندی اے۔ پاکستان اپݨے محدود وسائل دے باوجود وݙے دل نال اتے احساس انسانیت رکھیندے لکھاں مہاجرین دی باعزت طریقے نال میزبانی کیتی۔انہاں مزید آکھیے جو فلسطین و شام دے دربدر مہاجرین انسانیت کیتے ہک کڑا امتحان ہن۔ پاکستان ہمیشہ مظلوماں دی حمایت جاری رکھیسی اتے مہاجرین دی فلاح کیتے آواز چیندے رہسوں۔ دعا اے جو دنیا وچ امن تھیوٖے، ظلم مُکے تے ہرانسان کوں سکون نصیب تھیوے۔