اسلام آباد۔ 20 جون (اے پی پی) وفاقی وزیر ریلوے محمد حنیف عباسی دی صدارت اچ اجلاس تھیا جئیں وچ پاکستان ریلوے متعلق جاری تحقیقات دا جائزہ گھدا ڳئے۔ ایں موقع تے ریل گاݙی حادثیں، ریل کاپ بے ضابطگیاں اتے ݙوجھے امور تے تفصیلی بریفنگ ݙتی ڳئی۔جون 2025 دے دوران سکھر، ملتان اتے پشاور وچ حادثیں دا جائزہ گھدا ڳئے۔ اڄوکی ریل گاݙیاں دے پٹڑی توں لہݨ دے ودھدے واقعات …
وفاقی وزیرریلوے محمد حنیف عباسی دی صدارت اچ اجلاس
مزید خبراں
اسلام آباد۔ 20 جون (اے پی پی) وفاقی وزیر ریلوے محمد حنیف عباسی دی صدارت اچ اجلاس تھیا جئیں وچ پاکستان ریلوے متعلق جاری تحقیقات دا جائزہ گھدا ڳئے۔ ایں موقع تے ریل گاݙی حادثیں، ریل کاپ بے ضابطگیاں اتے ݙوجھے امور تے تفصیلی بریفنگ ݙتی ڳئی۔جون 2025 دے دوران سکھر، ملتان اتے پشاور وچ حادثیں دا جائزہ گھدا ڳئے۔ اڄوکی ریل گاݙیاں دے پٹڑی توں لہݨ دے ودھدے واقعات تے مختلف پہلواں دا جائزہ گھدا ڳئے۔ وزیرریلوے آکھیے جو سفارشات اتے اڳوں دا لائحہ عمل تیار کرتے مجاز اتھارٹی کوں جمع کرایا ونڄے، ایں دے علاوہ عوام ایکسپریس دی کراچی توں روانگی وچ تاخیر تے وی رپورٹ منڳی ڳئی۔ وزیر ریلوے آکھیے جو خانیوال وچ فٹ اوور برج دے واقعے تے رپورٹ وختی جمع کرائی ونڄے، شاہین آباد کواری دے بند تھیوݨ دے معاملے دی ذمہ واری دا تعین کیتا ونڄے۔وزیر ریلوے کوں ݙسایا ڳئے جو ریل کاپ وچ بے ضابطگیاں تے فیکٹ فائنڈنگ انکوائری چھیکڑی مرحلے وچ اے، جئیں دی سربراہی آئی جی پی آر پی کریندے پئن۔ بے ضابطگیاں وچ ملوث افسراں دے خلاف فوجداری کارروائی دی سفارش کیتی ڳئی اے۔ ایف آئی اے دے ذریعے ریل کاپ کیس دی تحقیقات دی تجویز وی ݙتی ڳئی۔ وزیر ریلوے بدعنوانی تے زیرو ٹالرنس دا اعادہ کیتا۔ اجلاس وچ ݙوجھے مالی اتے انتظامی ڈھانچے متعلق امور وی زیر غور گھن آئے ڳئے۔ وزیر ریلوے کارکردگی نہ ݙکھاوݨ آلے عملے دے خلاف سخت ایکشن دا عندیہ ݙتا۔ انہاں آکھیا جو چنڳی کارکردگی تے انعامات و تعریفی سنداں ݙتیاں ویسن۔
