استنبول۔ 21 جون (اے پی پی) پاکستان اتے ترکیہ ݙوہیں ملکاں وچال موجودہ تعاون تے اطمینان دا اظہار کریندے ایں برادرانہ شراکت داری کوں مزید وسعت ݙیوݨ اتے گھاٹے رابطے استوار کرݨ دے عزم دا اعادہ کریندے تجارت، دفاع اتے عوامی رابطے سودھے مختلف شعبیں وچ تعاون ودھاوݨ تے اتفاق کیتا اتے ایران دی خودمختاری، علاقائی سالمیت اتے اقوام متحدہ دے چارٹر دے تحت ایں دے حقِ دفاع دی حمایت …
نائب وزیراعظم/وزیرخارجہ دی صدرِ ترکیہ نال 51ویں او آئی سی وزرائے خارجہ کونسل دے اجلاس دے موقع تے ملاقات
مزید خبراں
استنبول۔ 21 جون (اے پی پی) پاکستان اتے ترکیہ ݙوہیں ملکاں وچال موجودہ تعاون تے اطمینان دا اظہار کریندے ایں برادرانہ شراکت داری کوں مزید وسعت ݙیوݨ اتے گھاٹے رابطے استوار کرݨ دے عزم دا اعادہ کریندے تجارت، دفاع اتے عوامی رابطے سودھے مختلف شعبیں وچ تعاون ودھاوݨ تے اتفاق کیتا اتے ایران دی خودمختاری، علاقائی سالمیت اتے اقوام متحدہ دے چارٹر دے تحت ایں دے حقِ دفاع دی حمایت دا اعادہ کیتے۔ دفترخارجہ دے ترجمان توں جاری بیان موجب ، نائب وزیر اعظم / وزیر خارجہ، سینیٹر محمد اسحاق ڈار استنبول وچ اسلامی تعاون تنظیم (او آئی سی) دی وزرائے خارجہ کونسل دے 51ویں اجلاس دے موقع تے جمہوریہ ترکیہ دے صدر رجب طیب ایردوان نال ملاقات کیتی۔ ایں موقع تے چیف آف آرمی اسٹاف، فیلڈ مارشل سید عاصم منیر وی انہاں دے رلے ہن۔ملاقات اچ نائب وزیراعظم نے وزیراعظم محمد شہباز شریف دی طرفوں صدر ایردوان کوں نیک خواہشات پُڄائیاں ۔ انہاں پاکستان اتے ترکیہ وچال پرݨے اتے برادرانہ تعلقات کوں ٻہوں اہمیت ݙیوݨ دے عزم دا اعادہ کیتا۔ ݙوہیں رہنماواں پاکستان اتے ترکیہ وچال موجودہ تعاون تے اطمینان دا اظہار کریندے ایں برادرانہ شراکت داری کوں مزید ودھاوݨ اتے گھاٹے رابطے اتوار کرݨ دے عزم دا اعادہ کیتا۔ انہاں تجارت، دفاع اتے عوامی رابطے سودھے مختلف شعبیں اچ تعاون کوں ودھارا ݙیوݨ تے اتفاق کیتا۔ اے ملاقات ݙوہیں بھرا ملکاں وچال خطے وچ امن، ترقی اتے خوشحالی کیتے سانجھی جدوجہد دے عزم دی عکاس ہئی۔رہنماواں بین الاقوامی قانون دے بنیادی اصولاں دی کُھلی خلاف ورزی کریندے جاری اسرائیلی حملیں دی شدید مذمت کیتی۔ انہاں ایران دی خودمختاری، علاقائی سالمیت اتے اقوام متحدہ دے چارٹر دے تحت ایں دے حقِ دفاع دی حمایت دا اعادہ کیتا۔ صورتحال کوں پرامن طریقے نال گھٹ کرݨ کیتے سفارتی کوششاں جاری رکھݨ تے اتفاق کیتا اتے بین الاقوامی برادری توں خطے وچ امن و استحکام دی بحالی کیتے اپݨا کردار ادا کرݨ دی اپیل کیتی۔ ݙوہیں فریقین غزہ وچ اسرائیلی جارحیت کوں وختی روکݨ اتے محصور عوام تئیں انسانی امداد بلا تعطل ݙیوݨ کیتے وختی اقدامات دی اہمیت تے زور ݙتا۔ نائب وزیراعظم و وزیر خارجہ صدر اردوان کوں اسلامی تعاون تنظیم یوتھ فورم دی طرفوں انہاں دی قیادت دے اعتراف اتے او آئی سی وزرائے خارجہ اجلاس دے کامیاب انعقاد تے ݙتے ڳئے ایوارڈ تے مبارخ ݙتی۔
