اسلام آباد۔ 25 جو(اے پی پی) پاکستان اَتے امریکا جاری مذاکرات تے اطمینان دا اظہار کریندے تجارتی مذاکرات کوں آوݨ آلے ہفتے تئیں چنڳے طریقے نال مکمل کرݨ دا عزم ظاہر کیتے۔ وزارت خزانہ توں جاری بیان موجب وفاقی وزیرخزانہ سینیٹر محمد اورنگزیب اَتے امریکا دے سیکرٹری تجارت ہاورڈ لٹنک دے وچال سانجھے ٹیرفس متعلق ورچوئل میٹنگ تھئی ۔ میٹنگ دے دوران فریقاں جاری مذاکرات تے اطمینان دا اظہار کیتا۔ …
پاکستان اَتے امریکا دے وچال تجارتی مذاکرات، آوݨ آلے ہفتے معاہدے دی تکمیل تے اتفاق
مزید خبراں
اسلام آباد۔ 25 جو(اے پی پی) پاکستان اَتے امریکا جاری مذاکرات تے اطمینان دا اظہار کریندے تجارتی مذاکرات کوں آوݨ آلے ہفتے تئیں چنڳے طریقے نال مکمل کرݨ دا عزم ظاہر کیتے۔ وزارت خزانہ توں جاری بیان موجب وفاقی وزیرخزانہ سینیٹر محمد اورنگزیب اَتے امریکا دے سیکرٹری تجارت ہاورڈ لٹنک دے وچال سانجھے ٹیرفس متعلق ورچوئل میٹنگ تھئی ۔ میٹنگ دے دوران فریقاں جاری مذاکرات تے اطمینان دا اظہار کیتا۔ فریقاں تجارتی مذاکرات کوں آوݨ آلے ہفتے تئیں چنڳے طریقے نال مکمل کرݨ دا عزم ظاہر کیتے۔ تجارتی معاہدے دے بعد سانجھے مفادات تے مبنی ہک جامع شراکت داری تشکیل ݙتے ونڄݨ تے وی اتفاق کیتا ڳیا۔ اے شراکت داری سٹریٹجک اَتے سرمایہ کاری دے شعبیں سودھے سانجھی دلچسپی دے سارے پہلواں دا احاطہ کریسی ۔ ݙوہیں ملکاں کیتے ہکو سویں فیدے گھنݨ سانڳے ڳالھ مہاڑ دا محور تجارت، سرمایہ کاری اَتے معاشی رابطیں کوں مزید ودھاوݨ اَتے موثر بݨاوݨ ہئی۔ ایں ضمن اچ تکنیکی سطح دے مذاکرات آوݨ آلے ہفتے مکمل کیتے ونڄݨ دا امکان اے۔ ݙوہیں ملکاں وختی تجارتی معاہدے کوں حتمی شکل ݙیوݨ تے اعتماد دا اظہار کیتا۔
