وفاقی کابینہ دے اجلاس اچ جنوبی وزیرستان اچ دہشت گرداں دے خلاف آپریشن اچ شہید تھیوݨ آلے میجر معیز عباس شہید اَتے لانس نائیک جبران اللہ شہید دے ایصال ثواب کیتے فاتحہ خوانی

اسلام آباد۔ 26 جون (اے پی پی) وفاقی کابینہ دے اجلاس اچ جنوبی وزیرستان اچ دہشت گرداں دے خلاف آپریشن دے دوران شہید تھیوݨ آلے میجر معیز عباس شہید اَتے لانس نائیک جبران اللہ شہید دے ایصال ثواب کیتے فاتحہ خوانی کیتی ڳئی۔ خمیس کوں وفاقی کابینہ دے اجلاس اچ وزیراعظم دی ہدایت تے وفاقی وزیر برائے مذہبی امور سردار محمد یوسف دعا کرائی۔ وزیراعظم آکھیا جو پاک فوج “فتنہ الخوارج” تے کاری ضرب لیندی پئی اے، دشمن دے خلاف جنگ جاری اے، اساݙیاں سکیورٹی فورسز دے افسر اَتے جوان عظیم قربانیاں ݙیندے پئن، انشاءاللہ اے جنگ اساں جتسوں۔