وزیراعظم شہباز شریف دی قومی اسمبلی دے اجلاس اچ شرکت، وزراء اَتے ارکان نال ملاقاتاں

اسلام آباد۔ 26 جون (اے پی پی) وزیراعظم محمد شہباز شریف خمیس کوں قومی اسمبلی دے اجلاس اچ شرکت کیتی اَتے ایوان اچ مصروف ݙین٘ھ گزاریا۔ انہاں وزراء اَتے ارکان قومی اسمبلی نال ملاقاتاں کیتی۔ اجلاس اچ آوݨ تے ارکان ݙیسک وَجا تے انہاں دا خیر مقدم کیتا۔ وزیراعظم ایوان اچ بلاول بھٹو زرداری دی خیریت پچھی۔ وزیراعظم نال مسلم لیگ ن دے ارکان انہاں دی نشست تے ون٘ڄ تے ملاقاتاں کریندے رہیے۔ ایوان اچ موجود تریمتیں ارکان دی اکثریت وزیراعظم نال ملاقات کیتی۔ وزیراعظم نال اویس لغاری، خالد مقبول صدیقی، ڈاکٹر طارق فضل چوہدری، اعظم نذیر تارڑ، رانا تنویر حسین، دانیال چوہدری، ایم کیو ایم دے ارکان وی ملاقات کیتی۔ وزیراعظم نال پیپلز پارٹی اَتے مسلم لیگ ن دے اقلیتی اراکین، اپوزیشن رکن حمید حسین وی ملاقات کیتی۔ پیپلز پارٹی دے اراکین شگفتہ جمانی اَتے شاہدہ رحمانی وی ملاقات کیتی۔