وزیرداخلہ محسن نقوی دا دریائے سوات اچ چھل دے ریلے پاروں قیمتی انسانی جاناں دے ضیان تے ݙکھ تے افسوس

اسلام آباد۔ 27 جون (اے پی پی) وفاقی وزیر داخلہ محسن نقوی دریائے سوات اچ چھل دی ریلے پاروں قیمتی انسانی جاناں دے ضیان تے ݙکھ تے افسوس کیتے ۔ اپݨے تعزیتی بیان اچ وزیر داخلہ محسن نقوی جاں بحق لوکاں دے لواحقین نال دلی ہمدردی اَتے تعزیت کیتی ۔ وزیر داخلہ آکھیے جو المناک واقعے تے دلی افسوس اَتے ݙکھ تھئے۔ محسن نقوی آکھیے جو ݙکھی خاندان دے ݙکھ اچ برابر دے شریک ہیسے۔ انہاں آکھیے جو اساں ݙکھی خاندان دے رلے کھڑوں اَتے اساݙیاں ساریاں ہمدردیاں جاں بحق لوکاں دے لواحقین نال ہن۔