وزیراعظم شہباز شریف آذربائیجان اچ 17ویں ای سی او (ECO) سربراہی اجلاس اچ شرکت کریسن، ترجمان دفتر خارجہ

اسلام آباد۔ 3 جولائی (اے پی پی) اقتصادی تعاون تنظیم (ای سی او) دا 17واں سربراہی اجلاس 3 اَتے 4 جولائی کوں جمہوریہ آذربائیجان دے شہر خان کینڈی اچ تھیسی، وزیراعظم محمد شہباز شریف سربراہی اجلاس اچ پاکستانی وفد دی قیادت کریسن۔ ترجمان دفتر خارجہ خمیس کوں جاری بیان اچ آکھیا جو سربراہی اجلاس دا موضوع “پائیدار اَتے موسمیاتی ریزیلئنٹ مستقبل کیتے نواں ای سی او وژن” اے۔وزیراعظم سربراہی اجلاس اچ اہم علاقائی اتے عالمی چیلنجز تے پاکستان دا نقطہ نظر پیش کریسن اَتے ای سی او وژن 2025 کیتے پاکستان دے عزم دا اعادہ کریسن۔ او علاقائی تجارت، ٹرانسپورٹ رابطیاں، توانائی دے تعاون اَتے پائیدار ترقی دے ودھارے بھرپور وکالت کریسن۔ وزیراعظم محمد شہباز شریف سربراہی اجلاس دے موقع تے ای سی او دے ݙوجھے رہنماواں نال ݙو پاسہ ملاقاتاں وی کریسن جِنھاں اچ آپسی دلچسپی دے معاملیاں تے گالھ مہاڑ کیتی ویسی۔