اسلام آباد۔ 10 جولائی (اے پی پی) وزیراعظم محمد شہباز شریف نیشنل ٹیرف کمیشن دی اڄوکی کارکردگی دی تھرڈ پارٹی نظر ثانی دی ہدایت کریندیں ہوئیں آکھیا جو نویں ٹیرف رجیم دے تقاضیاں دی بخوبی انجام دہی کیتے کمیشن دی جدید خطوط تے تنظیم نو ضروری اے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف دی سربراہی اچ نیشنل ٹیرف کمیشن دی کارکردگی …
نویں ٹیرف رجیم دے تقاضیاں دی بخوبی انجام دہی کیتے کمیشن دی جدید خطوط تے تنظیم نو ضروری اے، وزیراعظم شہباز شریف
مزید خبراں
اسلام آباد۔ 10 جولائی (اے پی پی) وزیراعظم محمد شہباز شریف نیشنل ٹیرف کمیشن دی اڄوکی کارکردگی دی تھرڈ پارٹی نظر ثانی دی ہدایت کریندیں ہوئیں آکھیا جو نویں ٹیرف رجیم دے تقاضیاں دی بخوبی انجام دہی کیتے کمیشن دی جدید خطوط تے تنظیم نو ضروری اے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف دی سربراہی اچ نیشنل ٹیرف کمیشن دی کارکردگی تے جائزہ اجلاس تھیا جئیں اچ وفاقی وزیر برائے موسمیاتی تبدیلی ڈاکٹر مصدق ملک، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر برائے پیٹرولیم علی پرویز ملک اَتے متعلقہ اعلیٰ سرکاری عہدیداراں شرکت کیتی۔وزیراعظم نیشنل ٹیرف کمیشن دی قانونی، انتظامی اَتے بئے ادارہ جاتی اختیارات تے فرائض دی ہنگامی بنیاداں تے تنظیم نو دی ہدایت کریندیں ہوئیں آکھیا جو نیشنل ٹیرف کمیشن دی اڄوکی کارکردگی دی تھرڈ پارٹی نظر ثانی کیتی ونڄے تانجو اونکوں ٻیا فعال بݨایا ونڄے۔ انہاں آکھیا جو نیشنل ٹیرف کمیشن دی نویں ٹیرف رجیم دے تقاضیاں دی بخوبی انجام دہی کیتے جدید خطوط تے تنظیم نو ناگزیر اے، نیشنل ٹیرف کمیشن دے کول ملکی کاروبار، درآمدات تے برآمدات مارکیٹ بارے سارے زمینی حقائق ِکٹھے کرݨ دی مؤثر استعداد ہووݨی چاہیدی اے۔ انہاں آکھیا جو نیشنل ٹیرف کمیشن دی خودکار اَتے مؤثر تحقیقی استعداد ملکی کاروبار کوں درپیش مسئلیاں کوں حل کرݨ اچ کلیدی کردار ادا کر سڳدی اے۔ انہاں آکھیا جو حکومت نیشنل ٹیرف کمیشن دی تربیت تے وسائل دی ڳھٹکی اَتے اوندے کم کوں جدید تقاضیاں نال ہم آہنگ کرݨ کیتے پرعزم اے۔ وزیراعظم نیشنل ٹیرف کمیشن دے اپیلیٹ ٹریبونل کوں فوری طور تے فعال کرݨ اَتے نویں ہدایتاں تے پیشرفت دی بریفنگ آوݨ آلے مہینے ݙیوݨ دی ہدایت کیتی۔
