اسلام آباد۔ 2 اکتوبر (اے پی پی) وفاقی وزیرِ خزانہ و محصولات سینیٹر محمد اورنگزیب آکھیے جو کلی معیشت دا استحکام، کیپٹل مارکیٹس تے نجکاری دے عمل اچ نمایاں پیشرفت تھیندی پئی اے، اصلاحات دا مقصد ملکی و بین الاقوامی سرمایہ کاری کیتے مزید گنجائش پیدا کرݨ تے معیشت کوں سرمایہ کاری تے مبنی تے برآمدات تے مرکوز ترقی دے پاسے گھن ونڄݨا اے۔ اے ڳالھ انہاں پاکستان اچ برطانوی …
وزیرِ خزانہ سینیٹر محمد اورنگزیب نال برطانوی ہائی کمشنر جین میریٹ دی ملاقات
مزید خبراں
اسلام آباد۔ 2 اکتوبر (اے پی پی) وفاقی وزیرِ خزانہ و محصولات سینیٹر محمد اورنگزیب آکھیے جو کلی معیشت دا استحکام، کیپٹل مارکیٹس تے نجکاری دے عمل اچ نمایاں پیشرفت تھیندی پئی اے، اصلاحات دا مقصد ملکی و بین الاقوامی سرمایہ کاری کیتے مزید گنجائش پیدا کرݨ تے معیشت کوں سرمایہ کاری تے مبنی تے برآمدات تے مرکوز ترقی دے پاسے گھن ونڄݨا اے۔ اے ڳالھ انہاں پاکستان اچ برطانوی ہائی کمشنر جین میریٹ نال ملاقات اچ آکھی۔ ملاقات اچ پاکستان دی معاشی اصلاحات دیاں ترجیحات تے پاکستان تے برطانیہ وچال تجارت و سرمایہ کاری دے تعاون کوں مزید ودھاوݨ دے موقع تے ڳالھ مہاڑ کیتی ڳئی۔ایں موقع تے ڈویلپمنٹ ڈائریکٹر سیم والڈاک تے سینئر اکانومسٹ لوئی ڈین وی موجود ہن۔ وزیرِ خزانہ برطانوی ہائی کمشنر دا خیرمقدم کیتا تے تکنیکی معاونت، مہارت تے علم دے تبادلے دے ذریعے پاکستان دی معاشی اصلاحات دیاں کوششاں کیتے برطانیہ دی مسلسل معاونت دی تعریف کیتی۔ انہاں آکھیا جو پاکستان استحکام توں پائیدار، جامع تے ذمہ دارانہ ترقی دے پاسے پیشرفت کر چکیے جیندے اچ پیداواریت، سرمایہ کاری، برآمدات تے روزگار تے ودھدی توجہ مرکوز اے۔ برطانوی ہائی کمشنر سرمایہ کاری، تجارت تے نجی شعبے دی ترقی کیتے ادارہ جاتی تے پالیسی فریم ورک کوں تکڑا بݨاوݨ دے مقصد نال تکنیکی معاونت دے ذریعے پاکستان دی معاشی تبدیلی دے عمل اچ تعاون جاری رکھݨ اچ برطانیہ دی دلچسپی دا اظہار کیتا۔ انہاں پاکستان دی طرفوں 3 ارب امریکی ڈالر دے یورو بانڈ دے کامیاب اجرا دی وی تعریف کیتی تے ایں کوں سرمایہ کاراں دے اعتماد تے بین الاقوامی مارکیٹ تئیں رسائی دے حوالے نال اہم قرار ݙتا۔
