وزیراعظم محمد شہباز شریف دی ہدایت تے متعلقہ وزارتاں تے حکام دی کوششاں نال ملائیشیا اچ پاکستانی چاول دی برآمدات اچ ودھارا

اسلام آباد۔ 2 اکتوبر (اے پی پی) وزیراعظم محمد شہباز شریف آکھیے جو پاکستانی زرعی اجناس کیتے عالمی منڈیاں تئیں رسائی اچ ودھارا حکومت دی اولین ترجیح اے، مسلسل محنت نال برآمدات تے مبنی معاشی ترقی دے ہدف دی طرف اپݨا سفر جاری رکھیسوں، ملائیشیا کیتے پاکستانی چاول دی اضافی برآمدات دے حصول تے متعلقہ ٹیم دی کوششاں کوں چنڳاں آکھدوں ۔وزیراعظم دفتر دے میڈیا ونگ توں جاری پریس ریلیز موجب وزیراعظم دی طرفوں پاکستانی چاول دی اضافی برآمدات دے حصول تے متعلقہ ٹیم دی کوششاں دی تعریف کریندے آکھیا ڳئے جو نائب وزیراعظم و وزیر خارجہ سینیٹر محمد اسحاق ڈار، وزیر قومی غذائی تحفظ، وزیر تجارت، سیکرٹری تجارت تے سیکرٹری قومی غذائی تحفظ دیاں کوششاں قابلِ تحسین ہن، 70 ہزار میٹرک ٹن اضافی پاکستانی چاول دی برآمد، کساناں دی خوشحالی تے ملکی معیشت کیتے ہک اہم پیش رفت اے۔ وزیراعظم آکھیا جو پاکستانی زرعی اجناس کیتے عالمی منڈیاں تئیں رسائی اچ ودھارا حکومت دی اولین ترجیح اے، مسلسل محنت نال برآمدات تے مبنی معاشی ترقی دے ہدف دی طرف اپݨا سفر جاری رکھیسوں۔ واضح رہے جو اکتوبر توں دسمبر 2026ء دے دورانیے اچ ملائیشیا کیتے پاکستانی چاول دی برآمدات اچ مزید 70 ہزار میٹرک ٹن دا ودھارا کیتا ڳئے۔ پاکستانی چاول دی اضافی 70 ہزار میٹرک ٹن برآمدات دا حصول وزیراعظم دی ہدایات تے موثر سفارتی و تجارتی کوششاں دا ثمر اے۔ متعلقہ وزارتاں تے حکام وزیراعظم دی ہدایات دی روشنی اچ ملائیشیا دے نال پاکستانی چاول دی اضافی برآمدات دا معاملہ موثر انداز اچ اڳوں ودھائے۔