اسلام آباد۔ 11 جولائی (اے پی پی) وفاقی وزیر داخلہ لورالائی اَتے موسیٰ خیل دے نیڑے قومی شاہراہ تے سرہ ڈھاکئی دے مقام تے فتنہ الہندوستان دے دہشت گرداں دی بزدلانہ کارروائی اچ بے گناہ تے معصوم مسافراں کوں نشانہ بݨاوݨ دی شدید الفاظ اچ مذمت کریندیں ہوئیں ایں دلخراش واقعے تے ݙکھ تے افسوس کیتا اَتے جاں بحق بندیاں دے لواحقین نال دلی ہمدردی تے تعزیت کیتی۔رات گئے آپݨے …
وفاقی وزیر داخلہ دی لورالائی اَتے موسیٰ خیل دے نیڑے قومی شاہراہ تے فتنہ الہندوستان دے دہشت گرداں دی بزدلانہ کارروائی دی مذمت، دلخراش واقعے تے ݙکھ اَتے افسوس
مزید خبراں
اسلام آباد۔ 11 جولائی (اے پی پی) وفاقی وزیر داخلہ لورالائی اَتے موسیٰ خیل دے نیڑے قومی شاہراہ تے سرہ ڈھاکئی دے مقام تے فتنہ الہندوستان دے دہشت گرداں دی بزدلانہ کارروائی اچ بے گناہ تے معصوم مسافراں کوں نشانہ بݨاوݨ دی شدید الفاظ اچ مذمت کریندیں ہوئیں ایں دلخراش واقعے تے ݙکھ تے افسوس کیتا اَتے جاں بحق بندیاں دے لواحقین نال دلی ہمدردی تے تعزیت کیتی۔رات گئے آپݨے ہک بیان اچ وفاقی وزیر داخلہ آکھیا جو جاں بحق بندیاں دے لواحقین دے ݙکھ اچ اساں برابر دے شریک ہیسے، ݙکھ دی ایں گھڑی اچ سوگوار ٹبراں نال کھڑوں۔ محسن نقوی آکھیا جو معصوم لوکاں کوں نشانہ بݨاوݨ سفاکیت دی انتہا اے۔ وزیر داخلہ آکھیا جو فتنہ الہندوستان دے دہشت گرداں بے گناہ لوکاں کوں نشانہ بݨا تے بدترین بربریت دا مظاہرہ کیتا۔ معصوم مسافراں کوں نشانہ بݨاوݨ آلے بھارتی سپانسرڈ دہشت گرداں دا ہر جاء تے پچھا کریسوں اَتے خاتمہ کریسوں۔ محسن نقوی آکھیا جو بھارتی سپانسرڈ دہشت گرداں اَتے آلہ کاراں دی ہر سازش قوم دی حمایت نال ناکام ٻݨیسوں۔
