اسلام آباد۔ 11 جولائی (اے پی پی) صدر مملکت آصف علی زرداری جمہوریہ چیک دے نال تجارت، سرمایہ کاری اَتے عوامی رابطیاں کوں فروغ ݙیوݨ دی لوڑھ تے زور ݙیندیں ہوئیں آکھیا جو جمہوریہ چیک یورپ اچ پاکستان دا اہم شراکت دار اے۔ ایوان صدر دے پریس ونگ موجب صدر مملکت اے ڳالھیں جمہوریہ چیک کیتے پاکستان دے نامزد سفیر شہریار اکبر خان نال ملاقات اچ کیتی جنہاں اتھاں ایوان …
صدر مملکت نال جمہوریہ چیک اَتے یوکرین کیتے نامزد پاکستانی سفیراں دی ملاقات
مزید خبراں
اسلام آباد۔ 11 جولائی (اے پی پی) صدر مملکت آصف علی زرداری جمہوریہ چیک دے نال تجارت، سرمایہ کاری اَتے عوامی رابطیاں کوں فروغ ݙیوݨ دی لوڑھ تے زور ݙیندیں ہوئیں آکھیا جو جمہوریہ چیک یورپ اچ پاکستان دا اہم شراکت دار اے۔ ایوان صدر دے پریس ونگ موجب صدر مملکت اے ڳالھیں جمہوریہ چیک کیتے پاکستان دے نامزد سفیر شہریار اکبر خان نال ملاقات اچ کیتی جنہاں اتھاں ایوان صدر اچ انہاں نال ملاقات کیتی۔ صدر مملکت ݙوہیں ملکاں وچال پارلیمانی اَتے ثقافتی وفود دے تبادلیاں دے فروغ تے وی زور ݙتا۔ صدر مملکت شہریار اکبر خان کوں نویں تقرری تے مبارکباد ݙتی اَتے انہاں کیتے نیک تمناواں دا اظہار کیتا۔ صدر آصف علی زرداری نال یوکرین کیتے نامزد سفیر میجر جنرل (ر) کنور عدنان احمد خان وی ملاقات کیتی۔ ایں موقع تے صدر مملکت آکھیا جو پاکستان یوکرین دے نال باہمی مفاد تے مبنی تعاون کوں ٻیا وسعت ݙیوݨ چاہندے۔ انہاں نامزد سفیر کوں ہدایت کیتی جو او اقتصادی، تجارتی اَتے ثقافتی تعلقات کوں فروغ ݙیوݨ کیتے کردار ادا کرن۔ صدر آصف علی زرداری میجر جنرل (ر) کنور عدنان احمد خان کوں نویں ذمہ داری تے مبارکباد اَتے انہاں کیتے نیک خواہشات دا اظہار کیتا۔
