جنیوا۔30جولائی (اے پی پی) سپیکر قومی اسمبلی سردار ایاز صادق ترکیہ دے گرینڈ نیشنل اسمبلی دے سپیکر پروفیسر ڈاکٹر نعمان کرتلموش نال ملاقات کیتی۔ قومی اسمبلی سیکرٹریٹ موجب ، اے ملاقات 6ویں عالمی سپیکرز کانفرنس دے موقع تے جنیوا وچ تھئی۔ملاقات وچ پاکستان اتے ترکیہ وچال مثالی برادرانہ تعلقات تے ڳالھ مہاڑ کیتی ڳئی۔ سردار ایاز صادق آکھیا جو ݙوہائیں ملکاں دے تعلقات سانجھے اعتماد، سانجھی تاریخ اتے مفادات تے …
سپیکر قومی اسمبلی سردار ایاز صادق دی ترکیہ دے گرینڈ نیشنل اسمبلی دے سپیکر پروفیسر ڈاکٹر نعمان کرتلموش نال ملاقات
مزید خبراں
جنیوا۔30جولائی (اے پی پی) سپیکر قومی اسمبلی سردار ایاز صادق ترکیہ دے گرینڈ نیشنل اسمبلی دے سپیکر پروفیسر ڈاکٹر نعمان کرتلموش نال ملاقات کیتی۔ قومی اسمبلی سیکرٹریٹ موجب ، اے ملاقات 6ویں عالمی سپیکرز کانفرنس دے موقع تے جنیوا وچ تھئی۔ملاقات وچ پاکستان اتے ترکیہ وچال مثالی برادرانہ تعلقات تے ڳالھ مہاڑ کیتی ڳئی۔ سردار ایاز صادق آکھیا جو ݙوہائیں ملکاں دے تعلقات سانجھے اعتماد، سانجھی تاریخ اتے مفادات تے مبنی ہن۔ ݙوہائیں رہنماواں تجارت، دفاع، ٹیکنالوجی اتے ثقافتی تبادلے دے شعبیں وچ تعاون دے ودھارے تے زور ݙتا ۔ سپیکر سردار ایاز آکھیا جو قدرتی آفتاں دے دوران ݙوہائیں ملکاں دی سانجھی مدد پراݨٰی یاری دا ثبوت اے ۔ سپیکر قومی اسمبلی پاکستانی پارلیمنٹ اتے عوام دی طرفوں ترکیہ دے عوام اتے قیادت کیتے نیک تمناواں دا اظہار کیتا اتے آکھیا جو پارلیمانی سفارتکاری ݙو پاسے تعلقات کوں ودھارا ݙیوݨ دا اہم ذریعہ اے۔ملاقات اچ ݙوہائیں سپیکرز وچال اہم علاقائی و عالمی امور تے وی ڳالھ مہاڑ کیتی ڳئی۔ سردار ایاز صادق آکھیا جو فلسطین اتے مقبوضہ جموں و کشمیر دے مظلوم عوام دے حق وچ ترکیہ دا اصولی مؤقف قابل ستائش اے۔
