اسلام آباد۔30جولائی (اے پی پی)وزیراعظم محمد شہباز شریف توں ورلڈ اکنامک فورم (ڈبلیو ای ایف) دے منیجنگ بورڈ دی منیجنگ ڈائریکٹر اتے رکن سعدیہ زاہدی اتھاں ملاقات کیتی۔ وزیراعظم دفتر دے میڈیا ونگ توں جاری بیان موجب ملاقات دے دوران وزیراعظم ورلڈ اکنامک فورم دے نال پاکستان دی تکڑی اتے پراݨی شراکت داری دا اعادہ کیتا اتے سوئٹزرلینڈ دے شہر ڈیووس وچ تھیوݨ آلے سالانہ اجلاساں دے ذریعے ڈبلیو ای …
وزیراعظم شہبازشریف نال ورلڈ اکنامک فورم دی عہدیدار سعدیہ زاہدی دی ملاقات
مزید خبراں
اسلام آباد۔30جولائی (اے پی پی)وزیراعظم محمد شہباز شریف توں ورلڈ اکنامک فورم (ڈبلیو ای ایف) دے منیجنگ بورڈ دی منیجنگ ڈائریکٹر اتے رکن سعدیہ زاہدی اتھاں ملاقات کیتی۔ وزیراعظم دفتر دے میڈیا ونگ توں جاری بیان موجب ملاقات دے دوران وزیراعظم ورلڈ اکنامک فورم دے نال پاکستان دی تکڑی اتے پراݨی شراکت داری دا اعادہ کیتا اتے سوئٹزرلینڈ دے شہر ڈیووس وچ تھیوݨ آلے سالانہ اجلاساں دے ذریعے ڈبلیو ای ایف دے پاکستان دے نال مسلسل رابطے دی تعریف کیتی۔وزیراعظم شہباز شریف سعدیہ زاہدی کوں پاکستان وچ گزریل کجھ سالاں وچ ملک وچ نمایاں معاشی بحالی بارے وچ ݙسایا۔ وزیراعظم محمد شہباز شریف خاص طور تے اقتصادی ترقی، صنفی شمولیت، پیشہ ورانہ تربیت اتے ڈیجیٹائزیشن دے شعبیں وچ ڈبلیو ای ایف دے نال اپݨے تعاون کوں مزید تکڑا کرݨ اچ پاکستان دی دلچسپی دا اظہار کیتا۔ منیجنگ ڈائریکٹر ورلڈ اکنامک فورم وی ایں امر وچ دلچسپی دا اظہار کیتا۔سعدیہ زاہدی آپݨے دورے دے دوران پرتپاک استقبال تے وزیراعظم دا شکریہ ادا کیتا۔ انہاں پاکستان دی مثبت معاشی رفتار دی تعریف کیتی اتے وزیراعظم شہباز شریف دی قیادت وچ موجودہ حکومت دی طرفوں کیتیاں ونڄݨ آلیاں اصلاحات دیاں کوششاں دی وی تعریف کیتی ۔ ملاقات دے چھیکڑ تے ݙوہائیں فریقاں پائیدار ترقی دے حصول کیتے پاکستان اتے ورلڈ اکنامک فورم وچال شراکت داری کوں تکڑا بݨاوݨ کیتے اپݨے سانجھے عزم دا اعادہ کیتے۔
