وزیراعظم دی پاکستان شوگر ملز ایسوسی ایشن اتے حکومت دے معاہدے دے تحت کھنݙ دی طے شدہ قیمت تے عملدرآمد دی ہدایت

اسلام آباد۔30جولائی(اے پی پی)وزیراعظم محمد شہباز شریف پاکستان شوگر ملز ایسوسی ایشن اتے حکومت وچال طے شدہ معاہدے دے تحت چینی دی طے شدہ قیمت تے عملدرآمد یقینی بݨاوݨ دی سختی نال ہدایت کریندے آکھیے جو معاہدے دی خلاف ورزی کرݨ آلیاں دے خلاف سخت کارروائی کیتی ویسی۔ وزیراعظم آفس دے میڈیا ونگ توں جاری بیان دے مطابق، وزیراعظم محمد شہباز شریف دی زیر صدارت چینی دے حوالے نال اجلاس تھیا۔ وزیراعظم پاکستان شوگر ملز ایسوسی ایشن اتے حکومت وچال طے شدہ معاہدے دے تحت 165 روپے ایکس مل قیمت اتے 173 روپے ریٹیل قیمت تے عملدرآمد یقینی بݨاوݨ دی سختی نال ہدایت کریندے آکھیا جو معاہدے دی خلاف ورزی کریندے ہوئیں انہاں قیمتاں توں ودھ قیمتاں وصول کرݨ آلیاں دے خلاف سخت کارروائی عمل وچ گھن آئی ویسی۔ وزیراعظم آکھیا جو کہیں کوں وی عوام دے معاشی استحصال دی اصلوں اجازت نا ݙیسوں۔ حکام وزیراعظم کوں ݙسایا جو چینی دی مصنوعی قلت پیدا کرݨ آلیاں دے خلاف کارروائیاں جاری ہین۔