ژچانگ۔31جولائی (اے پی پی) پاکستان آپݨے خلائی پروگرام اچ ہک ٻیا سنگِ میل پار کریندیں ہوئیں جدید ریموٹ سینسنگ سیٹلائٹ کامیابی نال خلا اچ روانہ کر ݙتے۔ اے سیٹلائٹ سپارکو دے تحت چین دے ژچانگ سیٹلائٹ لانچ سینٹر توں بھیجا ڳیا، جو 18 منٹ دے اندر مدار تئیں پُڄ ویسی۔ لانچنگ دے موقع تے وفاقی وزیر برائے منصوبہ بندی، ترقی، اصلاحات تے خصوصی اقدامات پروفیسر احسن اقبال، سپارکو دے ماہرین …
پاکستان دا نواں ریموٹ سینسنگ سیٹلائٹ کامیابی نال خلا اچ روانہ
مزید خبراں
ژچانگ۔31جولائی (اے پی پی) پاکستان آپݨے خلائی پروگرام اچ ہک ٻیا سنگِ میل پار کریندیں ہوئیں جدید ریموٹ سینسنگ سیٹلائٹ کامیابی نال خلا اچ روانہ کر ݙتے۔ اے سیٹلائٹ سپارکو دے تحت چین دے ژچانگ سیٹلائٹ لانچ سینٹر توں بھیجا ڳیا، جو 18 منٹ دے اندر مدار تئیں پُڄ ویسی۔ لانچنگ دے موقع تے وفاقی وزیر برائے منصوبہ بندی، ترقی، اصلاحات تے خصوصی اقدامات پروفیسر احسن اقبال، سپارکو دے ماہرین اتے سائنسدان لانچ سینٹر اچ موجود ہن اتے پورے عمل دی نگرانی کریندے پئے ہن۔ اے سیٹلائٹ نہ صرف پاکستان دے خلائی وژن 2047 دا حصہ اے بلکہ قومی خلائی پالیسی دے عملی نفاذ دی ہک اہم کڑی وی اے۔نواں سیٹلائٹ ملک کوں (مندرجہ ذیل) شعبیاں اچ انقلابی فائدے ݙیسی۔
- فصلاں دی صحت اتے پیداوار دا جائزہ ڳھنݨ دی جدید صلاحیت۔
- شہری پھیلاؤ اچ تکھے شہری ترقی اتے بنیادی ڈھانچے دی نگرانی۔
- قدرتی آفات دی پیش گوئی اچ سیلاب، زلزلے اتے زمینی کھسکاؤ سویں خطرات دی ویلھے تے نشاندہی۔
- ماحولیاتی تحفظ اچ گلیشیئرز دے پگھلاؤ، جنگلات دی کٹائی سودھے ماحولیاتی تبدیلیاں دی نگرانی شامل اے۔
ایں سیٹلائٹ دے ذریعے قدرتی وسائل دی مؤثر میپنگ اتے انتظام اچ مدد، سی پیک منصوبے دی معاونت، جیوہیزرڈز دی شناخت اتے نقل و حمل دے نیٹ ورکس دی نگرانی کیتی ونڄ سڳسی۔ اے سیٹلائٹ جدید سینسرز نال لیس اے اتے مختلف موسمی حالات اچ معیاری ڈیٹا حاصل کرݨ دی مکمل صلاحیت رکھیندے۔ اے PRSS-1 اتے EO-1 جیڑھے سابقہ پاکستانی خلائی مشنز نال مربوط تھی تے ہک جامع نیشنل اسپیس سسٹم دا حصہ بݨسی۔ایں ویلھے پاکستان دے پنج سیٹلائٹس پہلے ای خلا اچ کم کریندے پئن، اتے ایں نویں پیش رفت نال پاکستان دے خلائی میدان اچ خود انحصاری، تحقیق، اتے ترقی ودھسی۔
