محسن نقوی دی عید میلادالنبیؐ دے پرمسرت موقع تے پوری قوم اتے امت مسلمہ کوں مبارخ

اسلام آباد-6 ستمبر(اے پی پی) وفاقی وزیر داخلہ محسن نقوی عید میلادالنبیؐ دے پرمسرت موقع تے پوری قوم اتے امت مسلمہ کوں مبارخ ݙیندے آکھیے جو 12 ربیع الاول او مقدس ترین ݙینھ اے۔ جݙاں کائنات دی ساریں توں وݙی اتے محبوب ہستی، حضرت محمد ﷺ دی ولادت باسعادت تھئی۔ آپ ﷺ دی ولادت تے دنیا نور دا چہرہ ݙٹھا، ظلمت شکست کھادی اتے انسانیت نے عدل و رحم دا حقیقی مطلب پاتا۔ ولادتِ مصطفیٰ ﷺ او وقت نور اے جݙاں آسمان دے دروازے کھلیے، زمین تے رحمتاں نازل تھیاں اتے کائنات دا ذرہ ذرہ روشن تھیا۔ صادق و امین بݨ تے آپ ﷺ مکہ دی بے رحم فضاواں وچ دیانتداری دا چراغ روشن کیتا۔ آپ ﷺ دی بعثت جاہلیت دے ہر بت کوں پاش پاش کیتا، انسانیت کوں حق اتے حکمت دا رستہ ݙسایا۔ 1500 سالہ جشن میلاد النبی دے موقع تے اپݨے پیغام وچ وزیر داخلہ محسن نقوی آکھیا جو خاتم النبین حضرت محمد ﷺ دے اعلٰی ترین عمل ساݙے کیتے بہترین نمونہ ہن۔ مدینہ دی ریاست وچ نبی اکرم ﷺ معاشرت، سیاست اتے عدل کوں ہک اخلاقی و معاشی ضابطے وچ پرو ݙتا۔ حضور کریمؐ مثالی سماجی اتے معاشی نظام ݙتا جیڑھا پوری دنیا کیتے مشعلِ راہ اے۔ آپ ﷺ مسیت کوں مرکزِ عبادت دے نال تربیت، انصاف اتے محبت دا منبع بݨایا۔ غلاماں، یتیم اتے کمزوراں دے حق وچ آپ ﷺ دی رحمت قیامت تئیں دے نظامِ عدل دا ستون اے۔ فتح مکہ دے ݙینھ دشمنان کوں معاف کرتے آپ ﷺ انسانیت کوں نویں معراج ݙتی۔ بدقسمتی نال نبی کریمؐ دیاں روشن تعلیمات کوں امت مسلمہ بھل چکی اے اتے ایہا زوال پذیری دی بنیادی وجہ اے۔ ترقی، خوشحالی۔ انہاں آکھیا جو امن اتے استحکام کیتے اسوہ حسنہؐ تے حقیقی معنے وچ عمل کرݨا ہوسی۔ 12 ربیع الاول تجدیدِ عہد دا ݙینھ اے جو اساں سیرتِ محمد ﷺ کوں اپݨی زندگی دا آئینہ بݨیسوں۔