یومِ دفاع و شہداء دے موقع تے پاک فضائیہ دا نواں گیت ’’شاہین‘‘ جاری

اسلام آباد – 7 ستمبر (اے پی پی) یومِ دفاع و شہداء دے موقع تے پاک فضائیہ دا نواں گیت ’’شاہین‘‘ جاری کر ݙتا ڳئے۔ پاکستان ایئر فورس ’’شاہین‘‘ دے عنوان نال نواں ملی گیت ریلیز کیتے جیں وچ فضائی حداں دی محافظ پاک فضائیہ کوں زبردست خراجِ تحسین پیش کیتا ڳئے۔ گیت دا آغاز “اے غازی اے تیݙے پراسرار بندے” دے لہو گرم کر ݙیوݨ آلے الفاظ نال کیتا ڳئے۔ معروف گلوکار شجاع حیدر دی آواز وچ گیت، پاک فضائیہ دی یکجہتی اتے وطن نال بے مثال وفا دی وݙی داستان اے، گیت وچ پاک فضائیہ دی پیشہ ورانہ صلاحیتاں دی شاندار عکاسی کیتی ڳئی اے، گیت وچ لہو دے آخری قطرے تئیں وطن کیتے قربانیاں ݙیوݨ اتے اڳوں ودھدے رہݨ دا عزم کیتا ڳئے۔ گیت وچ بہادری، قربانی اتے وطن دے وقار دا دلکش امتزاج شامل اے، گیت وچ آسماناں دی نگہبان پاک فضائیہ دے جرأت مندانہ کردار کوں اجاگر کیتا ڳئے۔ یومِ دفاع دے موقع تے پاک فضائیہ ولوں جاری کیتا ڳیا نواں ملی گیت قربانی اتے تجدیدِ عہدِ وفا دا پیکر اے۔