اسلام آباد۔ 7 ستمبر (اے پی پی) سپیکر قومی اسمبلی سردار ایاز صادق وفاقی وزیر بحری امور محمد جنید انوار نال ٹیلیفونک رابطہ کیتا اتے انہاں دی والدہ دے انتقال تے ݙکھ تے افسوس کیتا بیان موجب سپیکر قومی اسمبلی آکھیا جو والدین اللہ دا انمول تحفہ ہن، انہاں دا وچھوڑا ہک ناقابل تلافی ضیان تے ٻہوں ݙکھ دی ڳالھ اے انہاں آکھیے جو والدین خاص طور تے والدہ دی …
سردار ایاز صادق دا وفاقی وزیر محمد جنید انوار نال اظہار تعزیت
اسلام آباد۔ 7 ستمبر (اے پی پی) سپیکر قومی اسمبلی سردار ایاز صادق وفاقی وزیر بحری امور محمد جنید انوار نال ٹیلیفونک رابطہ کیتا اتے انہاں دی والدہ دے انتقال تے ݙکھ تے افسوس کیتا بیان موجب سپیکر قومی اسمبلی آکھیا جو والدین اللہ دا انمول تحفہ ہن، انہاں دا وچھوڑا ہک ناقابل تلافی ضیان تے ٻہوں ݙکھ دی ڳالھ اے انہاں آکھیے جو والدین خاص طور تے والدہ دی شفقت، دعاواں اتے محبت دا کوئی بدل کائنی ۔ انہاں آکھیا جو والدین دی وفات توں پیدا تھیوݨ آلا خلاء کݙاہیں وی پورا نئیں تھی سڳدا۔ اے ہک ایہو جہیا ݙکھ اے جینکوں الفاظ وچ بیان کرݨ ممکن کائنی ۔ سپیکر سردار ایاز صادق محمد جنید انوار اتے انہاں دے گھر آلیں نال ہمدردی کریندے آکھیا جو او ایں ݙکھے ویلھے انہاں دے ݙکھ اچ برابر دے شریک ہن ۔ انہاں دعا کیتی جو اللہ تعالیٰ مرحومہ کوں آپݨے جوار رحمت وچ اعلیٰ مقام عطا فرماوے اتے ݙکھی خاندان کوں صبر اتے استقامت عطا فرماوے۔
