جاری منصوبیاں کوں ویلھے تے پورا کرݨ کیتے فاسٹ ٹریک تے کم جاری، زیر تعمیر کینسر ہسپتال دی نویں ایمرجنسی ویلھے تے پوری کرݨ کیتے سارے ضروری اقدامات کیتے ونڄن، وزیر صحت سید مصطفیٰ کمال

اسلام آباد (اے پی پی) وفاقی وزیر صحت سید مصطفیٰ کمال آکھیے جو جاری منصوبیاں کوں ویلھے تے پورا کرݨ کیتے فاسٹ ٹریک تے کم کیتا ویندا پئے۔ زیر تعمیر کینسر ہسپتال دی نویں ایمرجنسی کوں ویلھے تے پورا کرݨ کیتے سارے ضروری اقدامات کیتے ونڄن۔ انہاں اے ڳالھ ہک اعلیٰ سطح دے اجلاس دی صدارت دے دوران آکھی۔ انہاں آکھیے جو صحت دے شعبے اچ اصلاحات دا سلسلہ جاری اے۔ پاکستان میڈیکل ڈینٹل کونسل اتے نرسنگ کونسل اچ اصلاحات کیتی ڳئن۔ پی ایم ڈی سی اچ میرٹ اتے شفافیت دے ودھارے کیتے ایں کوں مکمل طور تے ڈیجیٹل کیتا ویندا پئے۔ اجلاس اچ وزارت صحت اچ جاری منصوبیاں تے پیشرفت اتے جاری اقدامات دا جائزہ گھدا ڳیا اتے ہک روڈ میپ اتے مربوط حکمت عملی بݨائی ڳئی۔ انہاں آکھیے جو ڈریپ اچ میڈیکل ڈیوائسز کوں ڈیجیٹل کیتے، میڈیکل ڈیوائسز دے لائسنس ݙتے ڳئن جݙاں جو ویلھے دی حد 20 ݙینھ اچ مِلدی پئی اے۔ انہاں آکھیے جو جعلی دوائیاں دے خاتمے بارے 2D بار کوڈ تے عملدرآمد کیتے کم تکھا جاری اے۔ جعلی دوائیاں دے خاتمے کیتے فارما انڈسٹری نال کئی واری میٹنگز تھی ڳئی اے۔ انہاں دا آکھݨ ہا جو جعلی دوائیاں دا خاتمہ ضروری اے، ایں نال انڈسٹری دی ساکھ وی متاثر تھیندی اے۔