پاکستان اچ سپیکٹرم روڈمیپ اچ عالمی بہترین طریقہ کار توں فیدہ چاوݨ اہم اے، وفاقی وزیر خزانہ و ایم سینیٹر محمد اورنگزیب

اسلام آباد۔8 ستمبر (اے پی پی)وفاقی وزیر خزانہ و محصولات سینیٹر محمد اورنگزیب آکھیے جو پاکستان اچ سپیکٹرم روڈمیپ اچ عالمی بہترین طریقہ کار توں فیدہ چاوݨ اہم اے، معیشت اتے معاشرے کیتے ابھرݨ آلے موقعیاں توں فیدہ چاوݨ کیتے سپیکٹرم دے عمل اچ ویلے تے پیشرفت ضروری اے۔ انہاں اے ڳالھ سپیکٹرم ایڈوائزری کمیٹی دے اجلاس دی صدارت کریندے آکھی۔ اجلاس اچ وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ، وفاقی وزیر قانون و انصاف سینیٹر اعظم نذیر تارڑ، جی ایس ایم اے دے ہیڈ آف ایشیا پیسفک جولیان گورمن، متعلقہ وزارتاں اتے ریگولیٹری اداریں دے سینئر حکام اتے وݙے موبائل آپریٹرز دے نمائندیاں شرکت کیتی۔ ٹیلی کام انڈسٹری اتے جی ایس ایم اے دے شرکا ء پاکستان دی ڈیجیٹل ٹرانسفارمیشن کوں مؤثر سپیکٹرم پالیسی دے ذریعے اگو ودھاوݨ تے سفارشاں پیش کیتن۔ اجلاس اچ آکھیا ڳیا جو سپیکٹرم دی دستیابی آئی ٹی اتے ٹیلی کام خدمات دی ترقی، برآمدات دے فروغ، روزگار دے موقعے پیدا کرݨ اتے وسیع پیمانے تے ڈیجیٹل اپناوݨ کیتے ٻہوں اہم اے۔ وزیر خزانہ انڈسٹری اتے جی ایس ایم اے دیاں تجاویز دا خیرمقدم کریندے آکھیے جو پاکستان دے سپیکٹرم روڈمیپ اچ عالمی بہترین طریقہ کار توں استفادہ ضروری اے۔ انہاں سپیکٹرم دے عمل اچ ویلے تے پیشرفت تے زور ݙتا تاں جو معیشت اتے معاشرے کیتے ابھرن آلے موقعے توں فیدہ ݙتا ونڄے۔ وفاقی وزراء شزا فاطمہ خواجہ اتے سینیٹر اعظم نذیر تارڑ آکھیے جو حکومت ڈیجیٹل طور تے مربوط اتے ہر کہیں کیتے جامع، سستی اتے اعلٰی معیار دی کنیکٹیوٹی ݙیوݨ کیتے پرعزم اے۔