چیئرمین سینیٹ دا پاکستان اتے ایتھوپیا دے تاریخی تعلقات کوں ٻیا مستحکم کرݨ دا عزم

اسلام آباد۔9ستمبر (اے پی پی) چیئرمین سینیٹ سید یوسف رضا گیلانی پاکستان اتے ایتھوپیا دے تاریخی تعلقات کوں ٻیا مستحکم کرݨ دے عزم دا اعادہ کریندیں ہوئیں آکھیے جو ݙوہاں ملک آپسی وسائل دے دانشمندانہ استعمال نال خوشحالی دے نویں دروازے کھول سڳدن، پاکستان اتے ایتھوپیا وچال پراݨے تجارتی تے ثقافتی رابطے ہن جیڑھے پاکستان دی ’لُک افریقہ پالیسی‘‘ دے تحت نویں جوش و جذبے نال ودھدے پئن۔ اے ڳالھیں انہاں منگل کوں مقامی ہوٹل اچ ایتھوپیا دے نویں سال، یومِ اتحاد اتے رنے سانس دے افتتاح دے قومی ݙینھ دے حوالے نال تھیوݨ آلے تقریب اچ بطور مہمان خصوصی خطاب کریندیں ہوئیں کیتا۔ انہاں پاکستان اتے ایتھوپیا دے تاریخی تعلقات کوں ٻیا مستحکم کرݨ دے عزم دا اعادہ کیتا۔ چیئرمین سینیٹ آکھیے جو گرینڈ ایتھوپین رنے سانس ڈیم محض کنکریٹ اتے اسٹیل دا ڈھانچہ کینی بلکہ اے ایتھوپیا دے عزم، اجتماعی وژن اتے ترقی خوشحالی دی علامت اے۔ انہاں ایتھوپیا دی شاندار کامیابیاں کوں خراجِ تحسین پیش کیتا اتے زور ݙتا جو ݙوہیں ملک آپسی وسائل دے دانشمندانہ استعمال نال خوشحالی دے نویں دروازے کھول سڳدن۔ چیئرمین سینیٹ آکھیے جو پاکستان اتے ایتھوپیا وچال پراݨے تجارتی و ثقافتی روابط ہن جیڑھے پاکستان دی ’’لک افریقہ پالیسی‘‘ دے تحت نویں جوش و جذبے نال ودھدے پئن۔ انہاں آکھیے جو بطور وزیرِاعظم اتے ہݨ بطور چیئرمین سینیٹ انہاں دی ذاتی کوشش ہمیشہ ایہو رہی اے جو جنوب۔جنوب تعاون کوں ودھایا ونڄے۔ ایں مقصد دے تحت سینیٹ نے ہج سال خصوصی اجلاس منعقد کیتا ہا جئیں کوں پاکستان-افریقہ فرینڈشپ ݙے دے طور تے منایا ڳیا۔ سید یوسف رضا گیلانی پاکستان اتے ایتھوپیا دے عوامی تعلقات کوں ٻیا مضبوط بݨاوݨ اچ ایتھوپیا دے سفیر ڈاکٹر جمال بیکر عبداللہ دی خدمات کوں سراہیا اتے پورا خراجِ تحسین پیش کیتا۔ ایں موقع تے پاکستان اچ ایتھوپیا دے سفیر ڈاکٹر جمال بیکر عبداللہ وی خطاب کیتا اتے پاکستان۔افریقہ تعلقات دے ودھارے اچ چیئرمین سینیٹ سید یوسف رضا گیلانی دی وژنری قیادت کوں خراجِ تحسین پیش کیتا۔